Андижон вилояти ИИБ тунда хиёбондаги ўриндиқлар, темир тўсиқлар, чиқинди урнаси, чироқларни тепган ва TikTok учун видео олган уч йигитга нисбатан маъмурий баённома расмийлаштирилганини хабар қилди.
Бошқарма Telegram каналига жойлаштирилган видеолавҳада тартиббузарларга нисбатан Маъмурий жавобгарлик тўғрисидаги кодекснинг 54 (эпидемияларга қарши кураш қоидаларини бузиш) ҳамда 183-моддалари (майда безорилик) билан маъмурий ишлар расмийлаштирилиб судга юборилгани айтилган.
Ижтимоий тармоқларда тарқалган видеода иштирок этган ва уни тасвирга туширган йигитлар эса қилган ишидан пушаймонлиги, видео орқали ёмон мақсадни кўзламагани, ушбу ҳаракатлар орқали TikTok’да обуначилар, лайклар сонини ошириб шов-шув кўтаришни хоҳлаганини билдирган.
Изоҳ (0)