Қозоғистонда коронавирусга чалинганлар сони 110 минг кишидан, Қирғизистонда эса 55 минг кишидан ошди

Қозоғистонда коронавирус инфекциясига чалинганлар сони 110 086 кишига етди, деб хабар беради Tengrinews.

Маълумотларга кўра, мамлакатда ҳозирга қадар COVID-19 билан касалланганларнинг 105 493 нафари соғайган, 1811 киши вафот этган. Шунингдек, 1 августдан буён Қозоғистонда 36 567 кишида пневмония аниқланган бўлиб, уларнинг 391 нафари вафот этган.

Коронавирусга чалиниш бўйича ҳолатлар қуйидаги ҳудудларда аниқланган:

• Олмаота шаҳри — 14 627;
• Нур-Султон шаҳри — 14 395;
• Атирау вилояти — 11 249;
• Қарағанда вилояти — 10 480;
• Шарқий Қозоғистон вилояти — 9115;
• Ғарбий Қозоғистон вилояти — 6953;
• Чимкент шаҳри — 5222;
• Олмаота вилояти — 5069;
• Жамбил вилояти — 4165;
• Шимолий Қозоғистон — 4346;
• Павлодар вилояти — 4131;
• Костанай вилояти — 3575;
• Ақмўла вилояти — 3608;
• Туркистон вилояти — 3405;
• Манғистов вилояти — 3378;
• Қизилўрда вилояти — 3252;
• Ақтўбе вилояти — 3280.

Аввалроқ Қозоғистон пойтахти Нур-Султонда аҳоли орасида COVID-19 касаллиги тарқалиши ортиб бораётганлиги туфайли 14 октябрдан бошлаб янги чеклов ва карантин чоралари жорий этилгани ҳақида хабар берилганди.Қирғизистонда 24 октябрь ҳолатига кўра коронавирусга чалинганлар сони 55 144 кишига етди, ўтган бир сутканинг ўзида яна 556 кишида COVID-19 тасдиқланган. Бу ҳақда мамлакат Соғлиқни сақлаш вазирлигига таяниб, Каktus-mediа хабар берди.

Коронавирусга чалиниш бўйича ҳолатлар қуйидаги ҳудудларда аниқланган:

• Бишкек — 19 383;
• Чуй вилояти — 6163;
• Ўш вилояти — 6104;
• Жалолобод вилояти — 6206;
• Иссиқкўл вилояти — 4331;
• Ўш шаҳри — 4265;
• Боткен вилояти — 4411;
• Норин вилояти — 1805;
• Талас вилояти — 1620.

Қирғизистонда ҳозирга қадар коронавирусга чалинган беморларнинг 47 337 нафари соғайган бўлса, 1130 киши COVID-19 қурбонига айланган.Афғонистон Соғлиқни сақлаш вазирлигининг 23 октябрдаги маълумотларига кўра, мамлакатда коронавирус инфекцияси билан касалланганлар сони 40 387 кишига етди, деб хабар беради Tolo News.

Ҳозирга қадар беморларнинг 34 010 нафари соғайган бўлса, 1507 киши вирус асоратлари оқибатида вафот этган.

Вазирлик маълумотларига кўра, бугунги кунга қадар давлат марказларида 119 323 марта коронавирусга тест олинган.

Тожикистонда ўтган бир сутка ичида яна 42 кишида коронавирус аниқланиб, мамлакатдаги COVID-19 билан касалланганлар сони 10 695 кишига етди. Бу ҳақда Central Asia хабар берди.

Маълумотларга кўра, ҳозирга қадар Тожикистонда коронавирус билан касалланганларнинг 9782 нафари соғайган, 81 киши коронавирус қурбонига айланган. Айни вақтда мамлакатда 832 киши стационарларда қолмоқда.

Ўзбекистонда 24 октябрь соат 10:00 ҳолатига кўра коронавирус инфекцияси қайд этилганлар сони 64 923 нафарни ташкил этмоқда.

Айни пайтда мамлакатда 62 033 нафар коронавирус инфекциясига чалинган фуқаролар (95 фоиз) соғайган. Ҳозирда 2346 нафар беморга шифокорлар томонидан белгиланган стандартлар бўйича даво чоралари кўрилмоқда.

Аввалроқ ССВ ҳузуридаги штаб Ўзбекистонда коронавирус билан қайта касалланиш ҳолатлари қайд этилаётгани тўғрисида хабар берганди.