АҚШда 1970 йилда ишлаб чиқарилган ноёб АМC АМХ/3 концепт-кари сотувга қўйилди. Бугунги кунга қадар сақланиб қолган учта маслкардан бирини 400 минг долларга харид қилиш мумкин, деб хабар беради Motor.
АМC АМХ/3 маслкарлар даврининг тугаш арафасида яратилган. Прототип 1970 йилда Чикаго автосалонида тақдим этилган. Модель American Motors корпорацияси тарихидаги энг яхши муҳандислик иши дея тан олинган. Шу сабабли маслкар келажагига катта умид билдирилган. Муҳандислар ушбу моделдан йилига 5 минг нусха чиқаришни режалаштирган, аммо молиявий қийинчиликлар сабаб лойиҳани 70 йиллар бошида ёпишга тўғри келган.
Америкалик муҳандислар BMW ва Bizzarrini мутахассислари билан бирга тўққизта АМC АМХ 3 устида иш олиб боришга улгурган. Бугунги кунга қадар уларнинг бештаси сақланиб қолган бўлиб, моделларнинг иккитаси якунига етмай қолган. Лойиҳа асосини Американинг бундан олдинги АМХ/2 лойиҳаси ташкил этган. Мутахассислар янги автомобилнинг пўлат кузовини анча силлиқ ишлаб, капотдаги иккита ҳаво ўтказгич панжараларини ҳамда очиладиган фараларни сақлаб қолган. Шу билан бирга, орқа ойна бутун қолган, спойлер эса автоматик равишда чиққан.
АМC АМХ/3 340 от кучига эга 6,4 литрли V8 двигатели ёрдамида ҳаракатга келади. Агрегат тўрт поғонали механик узатмалар қутиси билан биргаликда ишлайди. 1300 килограммли маслкар соатига 100 километр тезликка 5,5 сонияда эришади.
Аввалроқ Австралияда ачинарли аҳволдаги ноёб Ford Falcon 300 минг долларга сотилгани тўғрисида хабар берилганди.
Изоҳ (0)