«Ўзбекистон миллий электр тармоқлари» АЖ 21 октябрь куни тонгги соат 06:52 да фавқулодда ўчган Туркманистон энергетика тизимига қарашли 500 киловаттли «Сердар-Мари ГРЭС» юқори кучланишли электр тармоғининг фаолияти тикланганини хабар қилди.
Қайд этилишича, ушбу ҳаво тармоғи орқали Ўзбекистонга 750 МВтгача электр энергияси импорти етказиб берилган, содир бўлган носозлик туфайли Ўзбекистон энергетика тизимида 316 МВт қувват билан истеъмолчилар вақтинча тармоқдан узилган. Шунингдек, тонгги соат 7:00 дан бошлаб электр станциялардаги мавжуд резерв қувватларни ошириш орқали тармоқдан узилган истеъмолчиларга кучланиш бериш бўйича зарур чоралар кўрилган.
22 октябрь куни 11:09 да Туркманистон энергетика тизими мутахассислари ҳаво тармоғидаги носозликларни бартараф этган, Ўзбекистонга электр энергияси экспорт амалиётини тикланган.
«Ўзбекистон миллий электр тармоқлари» АЖ Ўзбекистон истеъмолчиларини электр энергияси билан таъминлаш мақсадида «Иссиқлик электр станциялари» ҳамда «Ўзбекгидроэнерго» акциядорлик жамиятлари таркибидаги буғ-газ қурилмалари ҳамда гидроиншоотлар томонидан электр энергиясини ишлаб чиқариш жараёни режага мувофиқ давом этаётгани, бу жараёнга Туркманистондан импорт амалиёти ҳам қўшилди ва айни пайтда республикадаги электр таъминоти тизими барқарор фаолият юритаётганини маълум қилган.
Изоҳ (0)