Саудия Арабистони қироли Салмон бин Абдулазиз ас-Сауд 18 октябрь куни Уламолар олий кенгаши, Маслаҳат кенгаши (Мажлис аш-Шўро) ва Олий судни қайта ташкил этиш тўғрисида бир қатор фармонларни имзолади. «Коммерсантъ»нинг хабар беришича, монархнинг фармойишлари Саудия давлат ахборот агентлиги (SPА)да эълон қилинган.
Унга кўра, 1999 йил май ойидан буён Уламолар олий кенгаши раиси бўлган Абдулазиз ибн Абдуллоҳ Ал аш-Шайх ва Маслаҳат кенгаши спикери Абдулла бин Муҳаммад ибн Иброҳим аш-Шайх (2009 йилдан бери ушбу лавозимида, шунингдек, Уламолар олий кенгаши аъзоси) ўз лавозимларини сақлаб қолди.
Ал-Сауднинг ҳукмрон оиласи ва аш-шайх илоҳиётчилар корпусининг етакчи оиласи — Ваҳҳобийларнинг ҳанбалий ҳуқуқий мактабининг асосчиси Муҳаммад бин Абдул Ваҳҳобнинг авлодлари ўртасидаги иттифоқ негизида Саудия Арабистони сиёсий тизими ётади.
Олий суднинг янги раиси уч йилдан бери суд тизимида ишлаб келаётган Ҳолид бин Абдуллоҳ ал-Лоҳидан бўлди. Маслаҳат кенгаши спикерининг ёрдамчиси этиб аёл киши — Ханан бин Абдураҳим ал-Аҳмади тайинланди. Кенгашнинг жами 150 аъзосидан 25 нафарини аёллар ташкил қилади.
Маслаҳат кенгаши (парламент прототипи) 1992 йилда тузилган ва дастлаб 30 кишидан иборат бўлган, кейинчалик улар сони 150 нафарга етган. Уларнинг барчаси сайланмайди, балки қирол томонидан тўрт йилга тайинланади. Маслаҳат кенгаши, Вазирлар кенгаши каби қиролликда қонун чиқарувчи ҳокимиятни ифодалайди.
Олий Уламолар Кенгаши таркибига 21 нафар илоҳиёцҳунос киради. 2009 йилги ислоҳотдан сўнг унга суннийларнинг барча тўртта ҳуқуқий мактаби вакиллари киритилган. Саудия Арабистонида 2010 йилнинг августидан буён муаллифи қирол томонидан Уламолар олий кенгаши ва Диний тадқиқот ва фатволар доимий қўмитаси киритилган ҳуқуқшунос бўлганларнинггина диний-ҳуқуқий ҳукмларини тарқатиш имконини берувчи қирол фармони амал қилмоқда.
Изоҳ (0)