21 октябрдан Москва вилоятида оммавий ва спорт тадбирларини ўтказиш тақиқланади. Бу ҳақда вилоят губернатори Андрей Воробёвнинг Telegram каналида маълум қилинди.
«Машғулотлар ва ўйинлар давом эттирилади, бироқ томошабинларсиз», — дея аниқлик киритилади хабарда. Шунингдек, 21 октябрдан кўргазма заллари ва музейлар ташриф буюрувчилари учун ёпилади.
Эслатиб ўтамиз, 17 октябрдан Москва вилоятида коронавирус инфекцияси тарқалишининг олдини олиш мақсадида кечаси кўнгилочар тадбирларни ўтказиш тақиқланган эди.
19 октябрь маълумотларига кўра, Москва вилоятида яна 466 кишида коронавирус аниқланган. Вилоят сутка давомида аниқланаётган янги касалланиш ҳолатлари бўйича Москва шаҳри ва Санкт-Петербургдан кейинги ўринда кетмоқда.
Аввалроқ Москвада коронавирус туфайли яна оммавий дезинфекция ишлари олиб борилиши, пойтахт мэри Сергей Собянин қаттиқ карантин чоралари жорий этилмаслигини маълум қилгани тўғрисида хабар берилганди.
Изоҳ (0)