Ички ишлар вазирлиги ЙҲХББ уч ой ичида 30 та Equinox, 40 та Cobalt, 17 та Malibu-2 сотиб олгани маълум бўлди

Ички ишлар вазирлиги Йўл ҳаракати хавфсизлиги бош бошқармаси 2020 йилнинг август—октябрь ойларида 28,3 миллиард сўмлик транспорт воситаларини харид қилгани маълум бўлди. Бу ҳақда Давлат харидлари порталидаги маълумотларда келтирилган.

Маълумотларга кўра, ИИВ ЙҲХББ 4 та Malibu-2 машинасининг ҳар бирини 324,45 миллион сўмдан харид қилган (жами 1 миллиард 297 миллион сўм). Бундан ташқари, бошқарма 2-позицияли Malibu-2 моделидан 13 тани 311 миллионда сўмдан қимматроққа — жами 4 миллиард 44 миллион сўмга харид қилган.

Шунингдек:

• 30 та — Equinox-АТ — 349 миллион сўмдан жами 10 миллиард 470 миллион сўмга;
• 40 та — Cobalt GS/16МТB — 95 миллион 768 минг сўмдан жами 3 миллиард 83 миллион сўмга;
• 26 та — Lacetti L-Comfort Plus — 115 миллион 607 минг сўмдан жами 3 миллиард сўмдан ортиқ;
• 2 та — Lacetti L-Elegant/АТ Plus — 138 миллион 126 минг сўмдан жами 276,2 миллион сўмга;
• 2 та — JАC пикапи — 224,6 миллион сўмдан жами 449,2 миллион сўмга;
• 14 та — SAZ HC автобуси — 325 миллион сўмдан жами 4 миллиард 550 миллион сўмга;
• 2 та — Volkswagen Caddy (Trendline) — 221,9 миллион сўмдан жами 443,8 миллион сўмга.