2020 йилнинг баҳоридан буён давом этиб келаётган коронавирус пандемияси даврида вирус тарқалишининг олдини олишга хизмат қиладиган кўплаб технологик ечимлар пайдо бўлди. Айрим ихтиролар кутилганидан кўра, анча ғалати. Масалан, Россияда махсус жиҳозланган манекенлар пайдо бўлди, деб хабар беради Hi-Tech.Mail.ru.
Манекенларнинг боши ўрнига катта экранли инфрақизил термометр ўрнатилган бўлиб, унда ўзининг тана ҳароратини ўлчашга жазм этган инсоннинг ҳарорати кўрсатилади. Манекенлар худди саломлашаётгандек қўлини олдинга узатган ҳолда ўрнатилган — қўлида дезинфекция учун антисептик дозатор мавжуд.
Ноодатий манекен қаерга ўрнатилганига аниқлик киритилмаган. Санитайзер қўлдаги маркировкага кўра, у Ростов давлат тиббиёт университетида яратилган. Янги қурилмалар маҳаллий поликлиникалардан бирида синовдан ўтказилаётган бўлиши мумкин.
Эслатиб ўтамиз, апрель охирларида Волгоград тиббиёт илмий марказининг абилитация ва реабилитация лабораторияси олимлари COVID-19 инфекциясидан ҳимояланишга мўлжалланган «Венес-34» шлемини тақдим этганди.
Изоҳ (0)