«Ливерпуль» Англия Премьер Лигаси 4-тури доирасида кечган баҳсда «Астон Вилла»га йирик ҳисобда ютқазди (2:7).
«Қизиллар» АПЛ тарихида илк бор бир ўйинда еттита гол ўтказиб юборди.
Сўнгги бор «Ливерпуль» Англия олий дивизионида 1963 йилнинг апрелида «Тоттенҳэм»дан шунча гол ўтказиб юборганди (2:7), дея хабар қилмоқда Opta.
Шунингдек, «Ливерпуль» Англияда чемпионатида сўнгги 67 йил ичида ўз дарвозасидан 7 та тўп олиб чиққан илк амалдаги чемпион бўлди. 1953 йилнинг сентябрида «Арсенал» амалдаги чемпион мақомида «Сандерленд»га ютқазганди (1:7).
Эслатиб ўтамиз, Юрген Клопп қўл остидаги жамоа АПЛ 2019/20 йилги мавсумида 99 очко тўплаб чемпионга айланганди.
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @Daryo_Sport24’га обуна бўлинг!
Изоҳ (0)