Аёл киши учун кийимнинг ортиқчаси бўлмайди. Бироқ керак-керакмас харидни амалга оширгандан кўра, қоматдан келиб чиқиб, камчиликларни инобатга олган ҳолда ёндашиш образнинг эсда қоларли бўлишини таъминлайди.
Кўйлак қоматни чиройли кўрсатади
Аёлларга хос латофатни қоп бичимли ёки ҳаддан ортиқ кенг либос тагига яшириш керак эмас. Қоматга мос бежирим либос янада назокатли кўрсатиш хусусиятига эга. «Футляр» бичимли, этаклари кенг моделлар эса энг яхши вариант ҳисобланади.
Кўйлак қоматнинг камчиликларини яширади
Кўйлаклар бошқа кийимлардан ҳам кўпроқ ортиқча вазн ва тўлача қоматни яшириш хусусиятига эга. Бироқ уни танлашда қомат ва бўйдан келиб чиққан ҳолда ёндашиш керак бўлади.
Ўзига бўлган ишончни ортишига сабаб бўлади
Ҳатто оддий кўйлак ҳам жинси ва футболкадан кўра чиройли ва қизиқарлироқ кўринади. Кўйлак кийгандан кейин ўзгача пойабзал ва аксессуар қўшиш хоҳиши пайдо бўлади. Бундай образ эса аёлнинг ўзини яхши ҳис қилиши ва кайфиятига таъсир этмай қолмайди, натижада эса ҳар доимгидан ҳам ўзига бўлган ишончи ортишига сабабчи бўлади. Психологик аҳволнинг позитивлиги эса ҳаётнинг турли жабҳаларида ёрдам беришига шубҳа йўқ.
Бошқалар эътиборини жалб этмай қолмайди
Диққат марказида бўлиш учун ялтироқ ва бачкана образ бўлиши шарт эмас, дид билан танланган либос модели ва унга мосланган оддий пойабзал атрофдагилар эътиборини жалб этмай қолмайди.
Юбка, шим, шорти ва леггинслар қулай эканлигига шубҳа йўқ, лекин ҳар бир аёл қиз гардеробида йўқ деганда кундалик ва оқшом базмлари учун иккита либос бўлиши керак.
Кўйлак ҳеч қачон урфдан қолмайди
Исталган мода чиқишларига назар ташланса, дизайнерлар коллекциялари тақдимотининг ҳеч бири кўйлаксиз бўлмаслигига амин бўлиш мумкин. Бунинг сабаби либослар ҳамиша ижодкорона ғояларни реализация қилишга ёрдам бериши билан боғлиқ.
Кўйлаклар вақтни тежашга ёрдам беради
Кўйлак бу тайёр образ дегани. У билан қандай шим ёми юбка кийишни ўйламаса ҳам бўлади. Шошилинч ва тўсатдан белгиланган учрашувларга нима билан нимани мослаш ҳақида бош қотириб ўтирмай, гардеробдан борадиган жойга мос либосни кийиш ва 10-20 дақиқа вақтни тежаш мумкин.
Кўйлак бу қулайлик демак
Кўйлаклар нафақат иссиқ кунларда, балки совуқ ҳароратда ҳам қулай ҳисобланади. Бунинг учун уни қалин колготка билан кийишнинг ўзи кифоя. Қулайлик эса ҳозирги кунга хос бўлган куннинг асосий қисмини иш ёки ўқишда ўтириб ўтказиш учун айни муддао ҳисобланади.
Озғин кўрсатади
Аёлнинг қомати ва ўлчамидан келиб чиқиб тўғри танланган либос эгасини анча ихчам кўрсатади. Сифатли мато, ранг ва принт танлашда ҳам алоҳида эътибор бериш силуэтга кўрк қўшади.
Изоҳ (0)