Италияда сўнгги бир сутка ичида коронавирус билан касалланиш бўйича 2 мингдан ортиқ янги ҳолат қайд этилди. Бу апрель ойидан буён қайд этилган энг юқори кўрсаткич ҳисобланади. Бу ҳақда Италия Фуқаро муҳофазаси бошқармасига таяниб, «Интерфакс» хабар берди.
Бошқарма томонидан маълум қилинишича, сўнгги бир сутка ичида 2548 кишида коронавирус аниқланган, бу бир кун аввалгига қараганда 697 кишига кўпроқ. Сўнгги сутка давомида 24 киши касаллик оқибатида вафот этган, 1140 киши тузалган.
Сўнгги маълумотларга кўра, пандемия бошидан буён Италияда 317 мингдан ортиқ коронавирус билан касалланиш ҳолати аниқланган. Беморларнинг 35 мингдан ортиғи касаллик оқибатида вафот этган.
Изоҳ (0)