Сирдарё вилоятида тунда йўлнинг белгиланмаган қисмидан кесиб ўтаётган пиёдани Nexia-2 автомобили уриб кетди, дея хабар бермоқда ИИВ.
Маълум қилинишича, 2020 йилнинг 30 сентябрь куни соат 03:00 ларда 1963 йилда Бухоро вилоятида туғилган фуқаро ўзига тегишли бўлган Nexia-2 автомашинани Сирдарё вилояти Оқолтин тумани ҳудудидан ўтган М-39 автомобиль йўлининг 920-километрида Термиз–Тошкент йўналиши бўйича бошқариб кетаётган бўлган.
Шу вақтда у йўлнинг пиёдалар ўтиши учун мўлжалланган қисми мавжуд бўлмаган жойда йўлни чап томондан ўнг томонга кесиб ўтаётган пиёда О.Т.ни уриб юбориб, ЙТҲ содир этган.
Натижада пиёда О.Т. олган тан жароҳатларининг оғирлик даражаси бўйича воқеа жойида вафот этган.
Ҳолат юзасидан Оқолтин тумани ИИБ ҳузуридаги Тергов бўлинмаси томонидан суриштирув ишлари олиб борилмоқда.
Изоҳ (0)