Ўқув йили бошидан бери Қозоғистонда 104 нафар ўқувчи коронавирус билан касалланган. Бу ҳақда Соғлиқни сақлаш вазирлиги раҳбари Алексей Цойга таяниб «Хабар 24» маълум қилди.
Маълум қилинишича, улар билан алоқа қилган 240 та шахс аллақачон аниқланган бўлиб, улардан 15 нафарида коронавирус тасдиқланган.
Тегишли бўлим бошлиғи 100 фоиз анъанавий режимда ўқитилган тақдирда, алоқа қилганлар сони камида 1500 кишига кўпайган бўлиши мумкинлигини таъкидлади.
Бундан ташқари, у аҳолининг хушёрлиги пасайганлигига ҳам тўхталиб ўтди. Одамлар тобора ниқоб тақиш ва ижтимоий масофани сақлаш талабларини бузмоқда.
Карантин режимининг бузилиш сони кўпайиши мамлакатнинг 10 та минтақасида кузатилмоқда. Биргина сўнгги уч ҳафта ичида мингдан ортиқ қозоғистонликлар жаримага тортилган.
Изоҳ (0)