Бу йил пандемия сабабли кундузги таълим шаклида ўқувчи талабаларнинг тўлов-контактига 10 фоизлик чегирма берилиши ҳақида хабар берилган эди. Шу ўринда нега кечки ва сиртқи таълим шакллари учун бу имтиёз берилмади, деган савол туғилади. Мазкур саволга Олий таълим муассасалари фаолиятини мувофиқлаштириш бош бошқармаси бошлиғи Абдували Холиқов 2020 йил 29 сентябрь куни АОКАда бўлиб ўтган матбуот анжуманида жавоб берди.
«Кечки ва сиртқи таълим шаклларида ёки иккинчи мутахассисликда ўқиётган талабаларда ўқишдан ташқари ишлаш имконияти мавжуд. Пандемия шароитида асосий муаммо кундузги таълим шаклида ўқиётган талабаларда келиб чиқмоқда. Биз шу тоифадаги талабаларга имконият яратиш мақсадида кундузги таълим шаклига 2020/2021-ўқув йили учун тўлов-шартномани 10 фоизга қисқартирдик. Бундан ташқари, олий таълим муассасалари томонидан етим, чин етим, ногиронлиги бўлган ҳамда ижтимоий ҳимояга муҳтож, ‘темир дафтар’ рўйхатидаги оила фарзанди бўлган талабаларга контракт тўловларини қоплаш учун манзилли моддий ёрдам кўрсатилади. Бунда олий таълим муассасалари мавжуд маблағлари ҳисобидан талабаларнинг ижтимоий ҳолатидан келиб чиқиб, 4 миллион сўмгача молиявий ёрдам кўрсатиш имкониятига эга бўлади», – деди Абдували Холиқов.
Эслатиб ўтамиз, берилаётган ушбу имтиёзлар нодавлат олий таълим муассасалари ва уларнинг талабаларига тааллуқли эмас.
Изоҳ (0)