Футбол бўйича Осиё Чемпионлар Лигасининг чорак финали доирасида кечадиган «Пахтакор» — «Персеполис» учрашуви олдидан матбуот анжумани ўтказилди.
Унда тошкентликлар клуби ёрдамчи мураббийи Питер Ҳюистра ва ҳимоячи Егор Кримец ўз фикрлари билан ўртоқлашди.
Бизни жуда ҳам кескин ўйин кутмоқда дейиш мумкин. Биз энг яхши 4 клуб орасидамиз, «Персеполис» — жуда кучли рақиб. Шунга қарамасдан ўйинга яхши тайёргарлик кўрдик ва ғалаба қозонишимизга ишонамиз, мақсадимиз ҳам шу.Ёпиқ ўйин кутиш мумкинми? Шундай бўлиши ҳам мумкин. Ҳаммаси ўйиннинг қандай бошланишидан келиб чиқади, учрашувнинг аҳамияти юқори. Стартда футболчилар ўзларини қандай тутишига кўп нарса боғлиқ. Қандай ҳимояланиш ёки вазиятларни кўра олиш каби кичик деталлар ҳам натижага таъсир қилиши мумкин. Ҳаммасини ўйинда кўрамиз. Унда сен барчасини тўғри қилишинг керак, тўпга тайёр бўлишинг ва ютишга уринишинг керак. Шу сабаб футболчиларнинг майдонда очиқ жойларни кўра олиши, қарорларни тўғри қабул қила олиши кўп нарсани ҳал қилади. Бу баҳсни ютишга уриниш керак, бошқа йўл ҳам йўқ. Бу чорак финал ва унда ҳар бир клуб йўлини давом эттиришни истайди.
Рақибнинг икки йил аввал финалда ўйнагани уларга устунлик беради деб ўйламайман. Бу муҳим беллашув, бизнинг жамоа таркибида терма жамоада ўйнаган 11-12 нафар ўйинчи бор, улар Жаҳон Чемпионатлари саралашларида ва умуман катта босимдаги ўйинларда иштирок этган. Бу борада тажрибага эгалар. Футболчиларимиз улардан нима талаб қилаётганимизни яхши тушунади ва ўйин давомида вазиятни ўзгартириш учун қандай ҳаракатланишни билади. Шу сабаб «Персеполис»да устунлик бор деб ўйламайман. Ўйинда VAR тизимидан фойдаланилади, бу ҳам қизиқарли тажриба бўлади деб ўйлайман. Футболчилар учун ҳам, ҳакамлар учун ҳам бу эсда қоларли бўлади.
Бу каби мусобақаларда ҳар 3 кунда ўйин ўтказганда футболчиларда чарчоқ бўлиши табиий. Кимдир қўшимча бўлимларда иштирок этади, кимдир қийин ўйинларни ўтказади. Бундай бўлиши табиий ҳол, футболчиларни организмида ҳам ўзгаришлар юзага келади чарчоқ сабаб. Муҳими эса бундан чиқиб кета олиш зарур. Бу ҳолатларда ўйинчилар қўшимча имкониятларини ҳам ишга солишлари керак бўлади. Биз ҳам жиддий муаммоларга дуч келдик. Пандемик вазият сабаб учта босқичдан иборат жисмоний тайёргарлик устида ишлашимизга тўғри келди. Уларни тетикроқ қилишга уриндик ва улар ҳозир яхши ҳолатда деб айтишим мумкин. Учрашувда бу борада янада яхшироқ бўлишга интиламиз.
Питер Ҳюистра, «Пахтакор» ёрдамчи мураббийи
Биз учун жуда муҳим учрашув бўлади. «Пахтакор» Чемпионлар Лигасида анчадан бери бу босқичга етиб келмаганди. Бизда яхши жамоа бор, ғалаба учун боримизни берамиз. Ҳозир финалгача етиб бориш ва мусобақада ғолиб бўлиш учун яхши имконият юзага келди ва биз ундан фойдаланмоқчимиз. Бу ишни кейинги мавсумга қолдириб, яна бир йил кутмоқчи эмасмиз.Эслатиб ўтамиз, «Пахтакор» ва «Персеполис» жамоалари ўртасидаги учрашув 30 сентябрь куни Қатардаги «Жассим бин Ҳамад» стадионида бўлиб ўтади. Учрашув Тошкент вақти билан 22:45 да бошланади.Жаримадан голларни ўтказиб юбориш ёқимсиз, албатта. Мураббийлар штаби бу борада маълум ишларни амалга оширди. Улар бизга шундай вазиятлардаги хатоларимизни кўрсатиб берди. Умид қиламанки, кейинги ўйинларда ҳаммаси жойида бўлади.
Биз Анзур билан анча йиллардан бери терма жамоада ҳам ўйнаганмиз. Дарҳақиқат, бир-биримизни яхши тушунамиз, ўзаро боғлиқлигимиз аъло даражада. Керак пайтда яримта гап билан ўрнимизни тўлдира оламиз.Бу олдиндаги катта ўйинларда муҳим. Тўртта энг яхши клуб қолганда нафақат ҳимоядагиларнинг, балки ҳужумдагиларнинг ҳам бир-бирини яхши тушуниши муҳим саналади.
Егор Кримец, «Пахтакор» ҳимоячиси
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @Daryo_Sport24’га обуна бўлинг!
Изоҳ (0)