Саломатлик билан боғлиқ аниқ ташхис шифокор ва мутахассис томонидан қўйилиши керак, лекин айрим вақтларда организмдаги ўзгаришлар белги бермай қолмайди ва бунга эътибор бериш керак бўлади.
Тароғингизни текширинг.
Нима учун?
Бу орқали қалқонсимон без касаллиги ёки витамин ва минераллар етишмаслигини аниқлаш мумкин.
Одатда кунига 100 тола соч тўкилади. Лекин одатдагидан кўпроқ соч тўкилишини пайқаган бўлсангиз, демак сизда рух, темир ёки биотин етишмаётган бўлиши мумкин. Соч тўкилишининг яна бир сабаби қалқонсимон без фаолиятида муаммолар кузатилаётгани билан ҳам боғлиқ бўлиши мумкин.
Тест қандай ўтказилади?
Ювиниш хонаси, раковина ёки бошқа ерда тўкилган соч толаларини санаб кўринг. 200 дан ортиқ тўкилган тола соч, саломатлигингизда ўзгариш борлиги ва шифокорга мурожаат қилиш кераклигини билдиради.
Кўзларингизни яхшилаб кузатинг.
Нима учун керак?
Аллергия, герпес ёки инфекцияни аниқлаш учун.
Кўзнинг сарғиш ранг бўлиб қолиши жигарда муаммо борлиги ёки қуёшда кўзойнаксиз юрилганидан дарак бериши мумкин. Аллергия, герпес ёки баъзи инфексион касалликларда эса кўз қизариши кузатилиши мумкин.
Тест қандай ўтказилади?
Кўздаги ўзгаришларни яхшилаб кузатинг. Агар қизариш ёки сарғайиш кузатилса ва бир неча кундан бери кетмаса, шифокорга мурожаат қилинг.
Нафас олишни текширинг.
Нима учун керак?
Аллергия ёки нафас олишда муаммолар бор ёки йўқлигини аниқлаш учун.
Одатда бурундан нафас олиш осон ва ҳеч қандай қийинчиликларсиз бўлиши керак. Аллергия, шамоллаш, синусит кабиларда нафас олиш қийин бўлади. Агар бир неча кун давомида нафас олиш енгиллашмаса, шифокор қабулига ёзилишни унутманг.
Тест қандай ўтказилади?
Салфеткани бурнингизга олиб келинг ва яхшилаб бурундан нафас чиқаринг. Агар салфеткада шаффоф ранг суюқлик қолса, аллергия ёки шамоллаш бўлиши мумкин. Суюқлик сариқ ва яшил бўлса инфексион касалликдан дарак бериши мумкин.
Тирноқларингизни текширинг.
Нима учун керак?
Тери саратони, буйракларда ўзгариш ёки замбуруғ касалликларини аниқлаш мумкин.
Соғлом тирноқлар мустаҳкам, тиниқ рангда бўлиши керак. Ўзгариш бўлса витамин, минерал, оқсил етишмаслиги ёки анемия ҳамда гормонларда муаммо бўлиши мумкин.
Тест қандай ўтказилади?
Тирноқларингизни яхшилаб кўздан кечиринг. Бутун тирноқ бўйлаб ўтган оқ чизиқ саратондан, жигарранг доғ замбуруғ ва юқори қисми тўқ рангда бўлса, буйракда муаммо борлигидан дарак беради.
Тиш тозалаш ипини кўздан кечиринг.
Нима учун керак?
Юрак ва инфексион касалликлар бор-йўқлигини аниқлаш мумкин.
Тош тозалаш ипи ишлатилганидан кейин қон бўлиши, милкда муаммо борлигини билдиради. Милкни зарарлаган бактериялар эса юракка ҳам салбий таъсир қилиши мумкин.
Тест қандай ўтказилади?
Тишни тозалагандан кейин қон бор ёки йўқлигини кўздан кечиринг.
Пешоб
Нима учун керак?
Инфекция ва жигар касалликларини аниқлаш мумкин.
Одатда пешоб шаффоф ёки оч сариқ рангда бўлиши керак. Унинг тўқ-сариқ ёки қизил ранг бўлиши сийдик йўлларида инфекция борлиги ҳамда буйракда тош борлигидан дарак бериши мумкин.
Тест қандай ўтказилади?
Тонгги пешоб рангига эътибор беринг. Одатдагидан тўқроқ, пушти ёки яшил рангда бўлса ва бир неча кун давомида кузатилса шифокорга мурожаат қилинг. Пешобда қон кузатилганда эса кутиб ҳам ўтирмай дарҳол мутахассис қабулига ёзилиш керак.
Бел ўлчами
Нима учун керак?
Юрак касалликлари, қон босими ошиши ва бошқаларни аниқлаш мумкин.
Бел қисмида ёғ йиғилиши саломатлик учун хавфли ҳисобланади. Қоринда ёғ тўпланиши эса қандли диабетдан дарак бериши мумкин.
Тест қандай ўтказилади?
Бел ва бўкса атрофини ўлчаб кўринг. Кейин белда чиққан кўрсаткични бўксаникига бўлинг. Чиққан рақам 0,8 ёки ундан кам бўлса унда хавф йўқ, лекин 0,81 ёки 0,85 ёки ундан юқори бўлса. саломатлигингизга бефарқ бўлмаслик тавсия қилинади.
Намлик балансини ўлчанг.
Нима учун керак?
Инфекция ва озуқа моддаларини етишмаслигини аниқлаш учун.
Қуриган тери қуёшли ҳавода ёки намлик даражаси етарли бўлмаган жойда кўп вақт ўтказилганлигидан дарак беради.
Тест қандай ўтказилади?
Эҳтиёткорлик билан билак соҳасига тирноғингизни босинг ва ундан кейин тилиниш ёки бошқа из қолган ёки йўқлигига эътибор беринг. Агар из қолган бўлса, тери қўшимча намликка эҳтиёж сезаётган бўлиши мумкин.
Изоҳ (0)