Ўзбекистонга 2020 йилнинг I ярим йиллиги мобайнида тўғридан-тўғри хорижий инвеститияларнинг соф кириб келиши 750 миллион долларни ташкил қилди. Бу ҳақда Марказий банк томонидан тақдим этилган маълумотларда келтирилган.
Уларнинг 695,5 миллион доллари номолиявий корхоналар, 51,6 миллиони эса — банклар ҳисобига тўғри келган. Асосий қисми — аксионер капиталга соф қўйилмалар (497,2 миллион). Даромадлар реинвестицияси 255,7 миллион долларни ташкил этган. Шунингдек, яна 96 миллиони бош компаниялардан қарзларнинг соф жалб қилинишига тўғри келган.
Таққослаш учун, 2019 йилнинг мос даврида тўғридан-тўғри инвестициялар ҳажми 1 миллиард доллардан ортиқроқни ташкил этган:
Марказий банкнинг таъкидлашича, Мамлакатга жалб қилинган тўғридан-тўғри хорижий инвестицияларнинг ҳажми маҳсулот тақсимотига оид битимлар (МТБ) доирасида инвестициялар репатриацияси ҳажмининг ортиши билан қисман қопланган.
«Жаҳон иқтисодиётидаги инқироз фонида капиталга соф хорижий инвестициялар 2 баравар камайди, хорижий инвесторлар томонидан даромадларни реинвестиция қилиш ҳажми эса деярли 2019 йилнинг I ярим йиллиги даражасида сақланиб қолди», — дейилади хабарда.
Аввалроқ Ўзбекистон олтин сотиш бўйича рекорд ўрнатгани тўғрисида хабар берилганди — қарийб 6 миллиард долларлик. 2020 йил бошидан бошлаб сотилган қимматбаҳо металл ҳажми бутун 2019 йил давомида сотилган олтин миқдорига тенг.
Олтин мамлакатнинг пандемия сабаб йўқотганларини қисман қоплаган — давлат бюджети даромадлари йил охирига бориб 125,8 триллионни ташкил этиши кутилмоқда. Бу давлат бюджети қонунида кўзда тутилганидан 2,6 триллион сўмга камроқ.
Август бошларида Ўзбекистон жаҳон бозорида олтин нархининг ошишидан фойда кўргани, олтин захираси мамлакатга пандемия вақтида «жон сақлаш»га имкон бераётгани тўғрисида хабар берилганди
Мавзуга доир: Ўзбекистоннинг ташқи қарзи 27,5 млрд доллардан ошди
Изоҳ (0)