22 сентябрь куни Минскда МДҲ Ижроия қўмитасида Ҳамдўстликка аъзо давлатларнинг доимий ваколатли вакиллари кенгашининг навбатдаги мажлиси бўлиб ўтди.
Мажлисда Ҳамдўстлик мамлакатларининг доимий вакиллари Ташқи ишлар вазирлари кенгаши ва МДҲ Давлат раҳбарлари кенгашининг навбатдаги, 15 ва 16 октябрь кунлари видеоконференция шаклида бўлиб ўтадиган йиғилишларига тайёргарликни муҳокама қилган.
Доимий ваколатли вакиллар МДҲ доирасида ташкил этилган базавий ташкилотларнинг, шунингдек, улар ҳузурида тузилган кенгашларнинг Ҳамдўстликдаги ўзаро алоқаларни ривожлантиришга қўшган амалий ҳиссаси тўғрисидаги маълумотларни тинглаган.
Йиғилишда, шунингдек, 2011 йил 18 октябрдаги эркин савдо зонаси тўғрисидаги битим қоидаларининг бажарилиши муҳокама қилинган. Келишув иштирокчилари ўртасида савдо тўсиқларини йўқ қилиш бўйича кейинги ишларнинг зарурлиги қайд этилган, бу иқтисодий ўсиш ва ўзаро савдо ривожланишининг энг муҳим шартларидан бири бўлиши кераклиги таъкидланган. Ўзаро савдо шартларини янада эркинлаштириш мақсадида битим қоидалари бажарилишини назорат қилишни давом эттириш ва хизматларнинг эркин савдоси тўғрисидаги битим лойиҳасини тайёрлаш устида ишлаш тўғрисида қарор қабул қилинган.
Бундан ташқари, 11-октанр куни Тожикистонда, 1 ноябрь куни Молдовада ўтказиладиган президентлик сайловларида МДҲ номидан қатнашадиган кузатувчилар миссияси раҳбларлари номзоди келишиб олинган. Унга кўра, Ижроия қўмита раиди Сергей Лебедев Тожикистондаги миссияга, унинг ўрибосари Виктор Гуминский эса — Молдовадаги миссияга раҳбарлик қилади.
МДҲ Ижроия қўмитасида Ҳамдўстликка аъзо давлатларнинг доимий ваколатли вакиллари кенгашининг навбатдаги йиғилиши 27 октябрга режалаштирилган.
Аввалроқ Абдулазиз Комилов МДҲ Ижроия қўмитаси раиси билан давлат раҳбарлари кенгаши мажлисига тайёргарлик масаласини муҳокама қилгани тўғрисида хабар берилганди.
Изоҳ (0)