Маҳалла ва оилани қўллаб-қувватлаш вазири Раҳмат Маматов, шунингдек, унинг ўринбосарлари Ботир Парпиев ва Азизбек Икромовда коронавирус аниқланди. Бу ҳақда вазирлик матбуот хизматига таайниб, «Gazeta.uz» хабар берди.
Маълум қилинишича, ҳозирда улар Ўзбекистон Президенти администрацияси ҳузуридаги Тиббиёт бош бошқармасининг 2-сонли Марказий клиник касалхонасида даволанмоқда.
Шунингдек, Маҳалла ва оилани қўллаб-қувватлаш вазирининг биринчи ўринбосари Гулнора Маъруфова COVID-19’га чалингани ва 7 кундан кейин ишига қайтгани ҳақида хабар берган.
Август ойи бошларида халқ таълими вазири Шерзод Шерматов коронавирусга чалинганини маълум қилган эди. Шерматов ўшанда давлат ишидаги тартибсиз режим, асаббузарликлар, кечгача ишда бўлиш ҳам организмни чарчатиб, бундай касалликларни оғирроқ ўтишига сабаб бўлишини алоҳида қайд этганди.
Мавзуга доир: Андижонда тўртта ҳоким пневмониядан даволанмоқда
Изоҳ (0)