Instagram’да янги BMW М3 ва М4 моделларининг суратлари расмий тақдимотдан олдин тарқалиб кетди, деб хабар беради CARakoom.
Суратларда ёрқин яшил рангдаги М3 ва сариқ рангли М4 Cоupe’ни кўриш мумкин.
М3 ва М4 горизонтал планкаларга эга янги вертикал радиатор панжарасига эга бўлиши олдинроқ маълум бўлганди. Шунингдек, автомобиллар вентиляцион тешикларга эга оригинал капотга, ўткир фаралар ва тўртталик газ чиқариш трубаларига эга бўлган. М3 ҳамда М4’нинг орқа фаралари бир-бириникидан фарқ қилади.
Моделларнинг ташқи кўриниши BMW ихлосмандлари орасида турли баҳсларни юзага келтирса-да, автомобилларнинг техник тавсифи кўпчиликни ҳайратга солиши аниқ.
Машиналар капоти остидан олти цилиндрга эга 3,0 литрли иккита пуфлагичли мотор ўрин олган. Стандарт жамланма 473 от кучи ва 598 Нм айланувчи моментни ўз ичига олади, Competition версияси эса — 503 от кучи ва 598 Нм.
BMW М3 ва М4’ларнинг аксарият қисми саккиз поғонали автомат узатмалар қутисига ва тўлиқ узатмали ҳолда етказиб берилади. Бироқ орқа узатмали, шунингдек, олти поғонали «механика»га эга вариантларни ҳам буюртма қилиш имкони бўлади.
Аввалроқ BMW’нинг янги моделларини iPhone ёрдамида очиш имконияти пайдо бўлиши ва компания айрим функциялар учун обунани сотиши тўғрисида хабар берилганди. Шунингдек, 2021 йилдан бошлаб BMW’нинг моделлари йўлларни «ҳис қилишни» бошлайди.
Изоҳ (0)