Коронавирусга қарши кураш штаби аъзоси Севара Убайдуллаева «Коронавирус тутундан «қўрқади». Мунтазам калян, яъни чилим чекиб юрган инсонларга касаллик юқмайди, деган гаплар юрибди. Бу қанчалик ҳақиқат?», деган саволга жавоб бериб, аниқлик киритиб ўтди.
Чилим чекиш кундан кунга аҳолимиз орасида урф-одатга айланиб бормоқда. Айниқса, ўсмирларимиз орасида бундай ҳолатларга қизиқиш кучайиб бормоқда. Сигаретга ўхшаш воситалар туридан бири калян (чилим) чекиш, бу ҳам чекувчиликнинг бир тури ҳисобланади. Бугунги кунда сигарет ёки чилим тутунидан коронавирус «қўрқади», деган гапларнинг барчаси ёлғон. Коронавирус на сигарет, на чилимнинг тутунидан «қўрқади». У организмга тушадиган бўлса, гавжум жойларда, яъни бир нечта одам йиғилишиб қолиб, шахсий гигиеник қоидаларига риоя қилмаса, ижтимоий масофа сақламаса, ниқоб тақмаса, қўлларга доимий ишлов бериб турилмаса, бу касалликдан ҳеч ким ҳимояланмаган. Чилим чекувчиларда ҳам худди сигарет чекувчилардаги каби йиллар давомида ўпкада, нафас йўлларида қандайдир қолдиқлар қолиши мумкин. ЖССТ ташкилоти тадқиқотларидан бирида умумий, ҳамма фойдаланадиган калян (чилим) ускунаси ва жиҳозлари текширувдан ўтказилганда калян (чилим)да инсон нафас олиб-чиқаришида турли хил нафас йўллари орқали ўтадиган касалликлар, сил касаллиги таёқчаларининг ҳам юқиш эҳтимоли юқори эканлигини тасдиқланган.Эслатиб ўтамиз, аввалроқ коронавирусга қарши кураш штаби 4 кун томоқни туз ва сирка билан чайиш ҳақидаги хабарни рад этган бўлса, Нурмат Отабеков Хитойдан Ўзбекистонга юборилган тестларда вирус йўқлигини билдирган, Ўзбекистон соғлиқни сақлаш вазирлиги пиёз коронавирусни ўлдириши ҳақидаги хабарларни сафсата, деб атаган, «дока ниқоб спирт билан намлаб, тақиб юрилса, коронавирус юқмайди» мазмунидаги гап-сўзлар асоссизлиги, Бош давлат санитария инспектори саримсоқ пиёз ҳам антибактериал, ҳам антивирус препарат эмаслигини билдирган эди.Севара Убайдуллаева, Коронавирусга қарши кураш штаби аъзоси
Изоҳ (0)