Қозоғистонда коронавирус ва пневмония қурбонлари сони 1671 кишига, Қирғизистонда эса 1063 нафарга етди

Қозоғистонда ўтган бир сутка ичида яна 65 кишида коронавирус аниқланди. Бу ҳақда мамлакат Соғлиқни сақлаш вазирлигига таяниб, Tengrinews хабар берди.

Бутун мамлакат бўйлаб COVID-19 билан касалланганлар сони 107 199 кишига етди. Коронавирусга чалиниш бўйича янги ҳолатлар қуйидаги ҳудудларда аниқланган:

• Олмаота шаҳри — 14 344 (+8);
• Нур-Султон шаҳри — 13 991 (+4);
• Атирау вилояти — 11 038 (+5);
• Қарағанда вилояти — 10 218 (+4);
• Шарқий Қозоғистон вилояти — 8505 (+22);
• Ғарбий Қозоғистон вилояти — 6836 (+3);
• Чимкент шаҳри — 5184 (+1);
• Олмаота вилояти — 4947 (+1);
• Жамбил вилояти — 4115 (+3);
• Шимолий Қозоғистон — 4043 (+4);
• Павлодар вилояти — 3887 (+1);
• Костанай вилояти — 3461 (+3);
• Ақмўла вилояти — 3456 (+2);
• Туркистон вилояти — 3364 (+1);
• Манғистов вилояти — 3337;
• Қизилўрда вилояти — 3237 (+1);
• Ақтўбе вилояти — 3236 (+2).

Мамлакатда ҳозирга қадар беморларнинг 101 822 нафари соғайган бўлса, 1671 киши коронавирус ва пневмония асоратлари оқибатида вафот этган (ўтган бир суткада — 5 киши).Қирғизистонда 19 сентябрь ҳолатига кўра, коронавирус билан касалланиш бўйича яна 91 та ҳолат аниқланди. Бу ҳақда мамлакат Соғлиқни сақлаш вазирлигига таяниб, Kloop хабар берди.

Коронавирусга чалиниш бўйича янги ҳолатлар қуйидаги ҳудудларда аниқланган:

• Боткен вилояти — 30;
• Бишкек — 9;
• Жалолобод — 12;
• Ўш вилояти — 17;
• Иссиқкўл вилояти — 15;
• Чуй вилояти — 6;
• Норин вилояти — 1;
• Талас вилояти — 1;

Мамлакатда пандемия бошланганидан буён COVID-19 аниқланганлар сони 45 335 кишини ташкил этмоқда. Ўтган бир сутка ичида 69 бемор соғайган.

Қирғизистонда ҳозирга қадар коронавирус инфекцияси оқибатида вафот этганлар сони 1063 кишилигича қолмоқда. Ўтган бир ҳафта ичида ушбу кўрсаткич ўзгармаган. Статистикага киритилган бу каби ўзгартириш ССВ томонидан амалга оширилган бўлиб, ёндош касалликка эга, хусусан, юрак касаллиги бор 400 та ҳолат олиб ташланган. Шу билан бирга, вазирлик статистикани ЖССТ методикаси бўйича қайта ҳисоблашга ваъда берган.

Афғонистонда ўтган бир сутка ичида яна 22 кишида коронавирус инфекцияси аниқланди. Бу ҳақда мамлакат Соғлиқни сақлаш вазирлигига таяниб, Tolo News хабар берди.

Афғонистонда пандемия бошланганидан буён COVID-19 билан касалланганларнинг умумий сони 38 919 кишига етган, ҳозирга қадар 32 576 киши даволанган, 1437 киши вирус қурбонига айланган (ўтган бир суткада бирорта ўлим ҳолати қайд этилмаган).

Тожикистонда 18 сентябрь ҳолатига кўра, коронавирус билан касалланганлар сони 9259 кишига етди. Бу ҳақда мамлакат Соғлиқни сақлаш вазирлигига таяниб, Asia Plus хабар берди.

Ўтган бир сутка ичида яна 45 кишида COVID-19 аниқланган. Ҳозирга қадар вирус қурбонлари сони 73 кишига етган, 8026 киши касалликдан даволанган.

Ўзбекистонда 19 сентябрь соат 10:00 ҳолатига кўра, коронавирус инфекцияси қайд этилганлар сони 50 634 нафарга етди. Бу ҳақда Соғлиқни сақлаш вазирлиги хабар берди. Айни пайтда мамлакатда 46 645 нафар коронавирус инфекциясига чалинган фуқаролар (92 фоиз) соғайган, 3 566 нафар беморга шифокорлар томонидан белгиланган стандартлар бўйича даво чоралари кўрилмоқда.