«Avto.ru» порталида 2017 йилда ишлаб чиқарилган ва ҳозирга қадар 8900 километр йўл босган Lada 4х4 модели 1,2 миллион рублга (15,6 минг доллар) сотувга қўйилди. Модификацияга учраган тўқ яшил «Нива» сотувга қўйилган энг қиммат нусхага айланди.
Мазкур «Нива» йўлтанламаси тюнингга учраган. Унга шноркель (двигателнинг сув остида ишлашини таъминловчи қурилма), кучайтирилган бампер, экспедиция учун мўлжалланган юкхона ва том қисмига ёруғлик диодли прожектор ўрнатилган.
Шунингдек, Lada 4х4 техник модификацияга ҳам қилинган. Автомобиль олд ва орқа дифференциалларни пневмоблокловчи, қаттиқликни созлашга қодир амортизаторлар ва кучайтирилган «подвеска» билан жиҳозланган. Бундан ташқари, машинанинг асосий оптикаси ёруғлик диодлига алмаштирилган.
Заводда ўрнатилган 83 от кучига эга 1,7 литрли двигатель Garrett трубинаси ёрдамида модернизацияга учраган бўлиб, унинг қуввати 130 от кучига етказилган. Кучайтирилган мотор йўлтанламас катерни торта олиши учун керак.
Уч йил давомида «Нива» 8900 километр йўл босган. Сотувчининг сўзларига кўра, тюнингнинг барча элементлари ЙҲХББ томонидан рўйхатга олинган, шу сабабли унинг бўлажак эгасида ҳеч қандай муаммо бўлмайди.
Изоҳ (0)