Фарғона вилоятида тегишли ҳужжатлари бўлмаган 9-синф ўқувчиси бошқарган Labo автомобили қарама-қарши йўналишда келаётган трактор тиркамасига бориб урилиб, йўл-транспорт ҳодисаси содир бўлган, дея хабар беради ЙҲХББ.
Қайд этилишича, 2020 йил 14 сентябрь куни соат 13:45 ларда Фарғона вилоятининг Олтиариқ туманида «Тинчлик шаҳарча» МФЙ ҳудудидан ўтган 4Р -148Б автомобиль йўлининг 5-километрида Бағдод тумани Чувалачи қишлоғида яшовчи 2004 йилда туғилган Бағдод тумани 22-умумтаълим мактабининг 9-синф ўқувчиси Олтиариқ тумани «Тинчлик шаҳарчаси» МФЙда яшовчи 1970 йилда туғилган фуқарога тегишли давлат рақам белгиси 40Р988ГА бўлган Labo русумли автомобилни тегишли ҳужжатларсиз бошқариб кетаётиб тажрибасизлиги сабабли руль бошқарувини йўқотган.
Натижада автомашина қарама-қарши йўналишга отиб кетиб, шу йўналишда ҳаракатланиб келаётган Олтиариқ тумани «Бўстон» МФЙ яшовчи 1983 йилда туғилган Раҳматжон Ўринбоев бошқарувидаги давлат рақам белгиси 40 300SА бўлган «Т-28Ҳ4» русумли трактор тиркамасига урилиб, ЙТҲ содир қилган.
«Ўзимнинг йўлимда келаётгандим. Орқани кўрсатувчи ойнадан машина тиркамага келиб урилганини кўрдим», – дейди трактор ҳайдовчиси.
Содир этилган ЙТҲ оқибатида Labo автомашинаси бошқарувида бўлган вояга етмаган мактаб ўқувчиси олган тан жароҳатлари туфайли Олтиариқ тумани марказий шифохонасига ётқизилган.
«Мазкур ЙТҲ шу куни воқеа содир бўлган жойнинг ўзида маҳалла фуқаролари, ёшлар ва бошқалар иштирокида муҳокама қилиниб, келгусида бу каби ҳолатларнинг олдини олиш борасида тавсиялар берилди», – дейилади хабарда.
Мавзуга доир:
Изоҳ (0)