Шифокорларнинг таъкидлашига қараганда 10-15 фоиз одам буйракда тош борлигидан азият чекади, айниқса 40-60 ёшдагиларда мазкур касалликка чалиниш эҳтимоли юқори бўлади «Домашний Очаг» касаллик симптомлари ва сабаблари билан бўлишади.
Тўсатдан кучли оғриқ пайдо бўлиши
Қоринда ёки белнинг бир қисмида кучли оғриқнинг пайдо бўлиши буйракларда тош борлигининг энг асосий белгиларидан бири ҳисобланади. Кучли оғриқ тана вазиятини ўзгартирилганда ҳам вақт ўтганидан кейин ҳам қолмайди. Қимирлаганда ёки ҳаракатланганда тош ўрнидан силжиб яна ҳам кўпроқ оғриқ бериши мумкин.
Қон аралаш пешоб
Пешобда қон бўлиши организмда қандайдир муаммо борлигидан сигнал бўлиши мумкин. Агар сизда ҳам ушбу белги кузатиладиган бўлса вақтни ўтказмай, зудлик билан шифокорга мурожаат қилиш керак. Унутманг, пешобда қон пайдо бўлишининг асосий сабабларидан бири буйракдаги тош билан боғлиқ бўлади.
Кўнгил айниши, қайт ва ранг оқариши
Кўнгил айниганини ҳис қилиш, тери рангининг оқариб кетиши билан бирга кузатиладиган қайт қилиш буйракда тош борлигидан дарак беради. Бунга тошнинг буйрак фаолиятига халал қилиши ва бунинг оқибатида организмда инфекция ривожланиб, зарарли моддаларнинг қолгани сабаб бўлади.
Организмда суюқликнинг етарли миқдорда бўлмаслиги
Буйракларда тош пайдо бўлишининг асосий сабабларидан бири организмда сувнинг етарли эмаслиги билан боғлиқ бўлади. Сув пешобдаги моддалар концентрациясини суюлтиришга ёрдам беради унинг етарли бўлмаслиги оқибатида эса улар қаттиқлашади ва тошга айланади. Шу сабабдан ҳам сув балансига риоя қилиш ва айниқса иссиқ кунларда кўп суюқлик ичиш керак.
Рационда тузнинг кўплиги
Буйракларда тош пайдо бўлмаслиги учун эътибор бериш керак бўлган жиҳатлардан яна бири туз миқдорини назорат қилиш ҳисобланади. Таркибида натрий миқдори кўп бўлган маҳсулотларни исте’мол қилиш пешобда кальций кўпайишига олиб келади. Кальций оксалат ва фосфор билан бирлашиб эса буйракда тош ҳосил бўлишига сабаб бўлади.
Ўсимлик оқсилини кўп истеъмол қилиш
Таркибида ўсимлик оқсили кўп бўлган маҳсулотларни меъёридан кўп истеъмол қилиниши ҳам буйракда тош пайдо бўлишининг сабабларидан бири. Бу тановулдан кейин организмда кераксиз кислота миқдори ошиши билан боғлиқ.
Изоҳ (0)