BMW компанияси янги 1-серия хэтчекини тақдим этади. Янги модель бренднинг ёш аудиториясига мўлжалланган бўлиб, унинг капоти остидан 265 от кучига эга 2,0 литрли 128ти «турботўртлиги» ўрин олган, деб хабар беради Motor.
Ti ва tii аббервиатуралари (Touring International ва Touring International Injection) 1960—1970 йилларда 02-сериясига кирувчи спорт модификацияларини номлашда фойдаланилган. Кейинроқ номдаги тиъга E36 кузовидаги 3-серия хэтчбеки эга бўлган. Энди эса уч цилиндрли 118i ва беш эшикли М135i xDrive оралиғидаги модель худди шундай номланади.
BMW 128ti хэтчбеки ҳозирда якуний тестлардан ўтмоқда. Машинанинг юриши тоғли Айфелнинг сирпанчиқ йўлларида ва албатта, Нюрбургринг трассасида синовдан ўтказиляпти. Машинага 265 от кучига эга 2,0 литли «турботўртлик» ўрнатилган. Трансмиссияда эса саккиз поғонали Steptronic Sport «автомати» ва Torsen типига мансуб механик дифференсиалдан фойдаланилган. Модель соатига 100 километр тезликка 6,1 сонияда эришади: таққослаш учун, 118иъга ушбу кўрсаткич учун 8,5 сония керак бўлса, М135и xDrive буни 4,8 сонияда амалга оширади.
Янги модель шу йилнинг октябрида бозорга чиқади. Ҳозирча унинг нархи ошкор этилмаган.
Аввалроқ BMW компанияси 2030 йилда ҳавога ноль миқдорда зарарли газ чиқарадиган тўққиз моделни электрификация қилишга оид режаси билан бўлишган эди.
Изоҳ (0)