«Қўнғироқсоч Сью»ни ижро этган актриса Элисон Постернинг тақдири қандай кечди? (фото)

1991 йилда эфирга узатилган «Қўнғироқсоч Сью» фильми режиссёрлик иши, актёрларнинг танланиши ва сюжетнинг ўзига хослиги билан мухлислар қалбидан жой олган. Айниқса, ундаги ёқимтой қизалоқ томошабинлар меҳрига сазовор бўлган. Қуйида Сью қаҳрамонини жонлантирган Элисон Постер ҳақида маълумот бериб ўтамиз.

Мазкур фильм Элисон карьерасида биринчиси эмас. Унда актёрлик маҳорати эрта пайдо бўлганини пайқаган ота-онаси уч ёшидан кастингларга олиб борган, беш ёшида Star Search шоусининг энг ёш вокалисти деб топилган.

https://youtu.be/U-IETi6KBwk

Шундан бир йил ўтиб у илк бор «Манхэттенни забт этаман» сериалида роль ижро қилган. Кейинроқ «Ота-она» фильмида суратга тушишга муваффақ бўлган ёш истеъдод соҳибасини «Қўнғироқсоч ​ Сью» фильмига таклиф қилишган. Айнан ушбу фильмдаги роли унга машҳурлик олиб келган.

Шунга қарамай бироз муддат унинг ижодида танаффус кузатилган. 1992 йилда у энг ёш актрисаликка номзод бўлган 1993 йилда эса ушбу номинация бўйича ғолибликни қўлга киритган.

https://youtu.be/3o8nsO_d--s

Узоқ муддатли танаффусдан кейин 8 ёшида Элисон Нью-Йоркка кўчиб келган ва Footloose​ спекталида Урлин ролига тасдиқланган. У Бродвейда бир қанча муваффақиятли ролларни ижро қилган.

Элисон фақатгина сурат тушиш билан чекланмаган, у болалигидан турли танлов ва тадбирларда қўшиқ куйлаган ва қўшиқ ижро қилишга бўлган қизиқишини бутун умр йўқотмаган.

2003 йилда Раз мусиқий гуруҳида вокалист сифатида чиқиш қилган, кейинроқ эса ўзининг Alisan Porter Project​​ гуруҳига асос солган. Йилдан йилга ижрочи сифатида тажрибаси ошиб борган Элисон спиртли ичимлик ва наркотик воситаларга ружу қўя бошлаган.

2007 йилнинг 28 октябрида эса алкоголь маҳсулотлар ва наркотик истеъмол қилмасликка қатъиян қарор қилган.

Элисон учун мусиқа ҳаёти мазмуни бўлган, у 2009 йилда ўзининг илк альбомини, 2014 йилда кейингисини тақдим қилган. 2016 йилда «Овоз» шоусида иштирок қилган ва 10-мавсумда Somewhere қўшиғини ижро қилиб, ғолиб деб топилган.

https://youtu.be/Cx8EEIN_LCE

Аввалига актриса кейинроқ эса қўшиқчи сифатида карьерасини давом эттирган Элисон Портер турмушга чиққан ва икки нафар фарзанди бор.

У Instagram саҳифасига оила аъзолари билан тушган бахтиёр суратларини жойлаб боради, концерт бериш ва янги альбомлар тақдим қилишдан тўхтамайди.