Оренбург вилоятида офталмолог томонидан иккала кўзнинг кўрлиги ташхиси қўйилган фуқаро ҳайдовчилик гувоҳномасини олди. Эркакдан гувоҳнома барибир олиб қўйилган, ҳозирда ҳолат юзасидан вилоят прокуратураси иш қўзғатган, деб хабар беради Motor.
Эркак кўриш қобилиятининг ёмонлиги сабаб 2004 йилдан буён офталмолог рўйхатида турган, 2018 йилда эса шифокорлар унга иккала кўзнинг ҳам кўрлиги ташхисини қўйган. Бироқ бу эркакка ўша йилнинг ўзида ҳайдовчилик гувоҳномасини олишга тўсқинлик қилинмаган.
Натижада прокуратура суд орқали эркакнинг ҳайдовчилик гувоҳномасини бекор қилишга эришган, чунки у ўз нуқсони сабаб ўзи ва йўл ҳаракатининг бошқа иштирокчилари ҳаётига хавф туғдириши мумкин.
Ҳозирда вилояти прокуратураси ҳолат юзасидан текширувларни бошлаган ва нима асабабдан кўзи ожиз эркакка ҳайдовчилик гувоҳномаси берилганини аниқлашга уринмоқда. Шунингдек, «ҳайдовчи» реабилитация воситалари ва зарур ижтимоий ёрдамлар билан таъминланишига ваъда берилган.
Эслатиб ўтамиз, август ойида америкалик аёлга ўз расми ўрнида курси акс этган ҳайдовчилик гувоҳномаси берилган эди.
Изоҳ (0)