Наманган вилояти Наманган шаҳрида 39 ёшли ҳайдовчи «Москвич»да 51 ёшли йўловчини уриб юбориб унинг ўлимига сабабчи бўлди. Бу ҳақда ЙҲХББ матбуот хизмати хабар берди.
Воқеа 13 сентябрь куни соат 21:40 ларда Наманган вилояти, Наманган шаҳар, Бобуршоҳ кўчасида содир бўлган. 39 ёшли ҳайдовчи А.А. «Москвич-412» русумли автомобиль тезлигини меъёридан оширган ҳолда бошқариб кетаётганида йўлнинг белгиланмаган жойидан кесиб ўтаётган пиёда 51 ёшли Р.У.ни уриб юборган. Оқибатда пиёда оғир тан жароҳатлари олиб шифохонада вафот этган.
ЙТҲ юзасидан Наманган шаҳар ИИО ФМБ ҳузуридаги тергов бўлими томонидан Жиноят кодексининг 266-моддаси 2-қисми (одам ўлимига олиб келган транспорт воситалари ҳаракати ёки улардан фойдаланиш хавфсизлиги қоидаларини бузиш) билан жиноят иши қўзғатилиб, ҳозирда тергов ҳаракатлари олиб борилмоқда.
Изоҳ (0)