Саломатлик учун муҳим бўлган D витамини нафақат метаболизм, суяклар ва мия фаолияти учун ҳам фойдали ҳисобланади. Унинг етишмовчилиги кузатилганда организмда бир қанча касалликлар кузатилади. Иссиқ мавсумда ушбу витаминни қуёш нуридан олиш мумкин бўлса, кунлар салқинлашгани сари кунлик эҳтиёжни қоплаш учун «қуёш витамини»га бой маҳсулотлар истеъмол қилиш керак.
Қўзиқорин
100 грамм қўзиқоринда кунлик эҳтиёж учун зарур бўлган D витамини мужассам бўлади. Шу сабаб мазкур маҳсулотдан таом тайёрлаш, салат ёки сендвичга қўшиб истеъмол қилиш тавсия қилинади.
Лосось
Ёввойи лосось D витаминининг манбайи ҳисобланади. Организмда «қуёш витамини» меъёрда бўлиши учун ҳафта давомида икки порция лосось истеъмол қилиш кифоя.
Палтус (камбаланинг бир тури)
Ушбу маҳсулотнинг 100 граммида организм учун кунлик эҳтиёж бўлган — 250 фоиз D витамини бўлади. Шунингдек, палтус юрак саломатлиги ва суяклар учун фойдали бўлган ёғ кислоталарини ҳам ўз ичига олади.
Креветка
100 грамм креветка — кунлик меъёр ҳисобланган D витаминининг учдан бир қисмини қоплайди. Аммо ушбу денгиз маҳсулотини истеъмол қилишда порцияда туз миқдори кўпайиб кетмаслигига эътиборли бўлинг. Натрийнинг кўпайиб кетиши юрак фаолияти ва бошқа ҳаёт учун муҳим бўлган аъзолар учун хавф туғдиради.
Тухум
Бир дона тухумда 4 фоиз D витамини бўлгани сабаб биргина унинг ўзи билан кунлик меъёрни қоплаб бўлмайди, аммо қўшимча сифатида истеъмол қилиш мумкин. Тухумдан тайёрланган нонушта энг фойдали вариантлардан бири.
Пишлоқ
100 грамм пишлоқда кунлик меъёр ҳисобланган D витаминининг 3 фоизи мужассам бўлади. Пишлоқни мунтазам истеъмол қилиш инсультга чалинишнинг олдини олиш ва юрак қон-томирларнинг саломатлигини таъминлаш хусусиятига эга.
Изоҳ (0)