АҚШ президенти Дональд Трамп Россия президенти Владимир Путин ва КХДР етакчиси Ким Чен Ин билан яхши муносабатда бўлгани учун адолатсиз танқидларга учраётганини маълум қилди. Бу ҳақда у Мичигандаги тарафдорлари қаршисида қилган чиқиши вақтида айтиб ўтган.
«Хориж державалари билан яхши муносабатда бўлиш — бу ёмон эмас. Биз бунга ОАВни ва ҳукуматимизни узоқ вақт бошқариб келган аҳмоқларни ўрнатишга уриняпмиз… ‘У Путин билан яхши муносабатда — ниҳоятда ёмон!». Йўқ, бу яхши. Мен унга ёқаман, у ҳам менга ёқади. Бу у қадар ёмон эмас. ‘У Ким Чен Ин билан яхши муносабатда, бу жуда ёмон!’ — Йўқ, бу яхши, мен уларни ишонтиришга уринмоқдаман… Уруш бошламаслик — бу нормал», — дейди Трамп.
Шунингдек, Америка етакчиси Хитой раиси Си Цзиньпин ва Япония бош вазири Синзо Абе билан ҳам яхши муносабат ўрнатишга муваффақ бўлганини таъкидлаган.
Аввалроқ Трамп бошқа давлатлар, жумладан, Россия билан тил топишишни тўғри йўл деб ҳисоблашини билдирганди. АҚШ президенти телевизордаги янгиликларда «Россия» сўзини эшитиши билан ўчириб ташлашини ҳам қайд этиб ўтган.
Эслатиб ўтамиз, август охирида Трамп Путин, Си Цзиньпин ва Туркия президенти Ражаб Тоййиб Эрдўғонни «жаҳон даражасидаги шахматчилар» деб атаганди.
Изоҳ (0)