Тошкент қишлоқ хўжалиги техникаси заводига оммавий ахборот воситалари вакиллари учун ташкил этилган пресс-тур давомида TZST CE 220 пахта териш машина-трансформери намойиш этилди.
CЕ-220 трансформер шаклида ишлаб чиқарилаётган бўлиб, мавсумда пахта териш машинаси сифатида қолган пайтда универсал-ҳайдов трактори сифатида фойдаланиш имконини беради. Шу билан бирга, машина теримига ажратилган далаларнинг қаторлар ораси кенглигига мос равишда (76 см ёки 90 см) пахта териш машинаси агрегати кенглигини созлаш мумкин.
Завод 2019 йилда CNHI (АҚШ) компанияси билан биргаликда ушбу машинаси-трансформерни ишлаб чиқаришни ўзлаштирган. Лойиҳа «CNHI RND» конструкторлик-технологик маркази билан ҳамкорликда «New Holland TD5.110» моделидаги тракторлар янги авлоди базасида амалга оширилган.Терим аппаратидаги икки томонлама барабан ҳамда «Extenda-Wear™» горизонтал шпинделларининг уч поғонали тишлари пахта хом ашёсини самарали теришни, шпинделдан енгил ечилишини ва узоқ муддатли сифатни таъминлайди. Янги авлод пахта териш машинаси иш унумдорлиги кунига 20 тоннагача бўлиб, 400 нафаргача теримчи ўрнини боса олиши маълум қилинди. Ишлатишда қулайлиги - нисбатан катта бўлмаган далаларда ҳам тера олади. 2020 йилги пахта териш мавсумига 850 дона пахта териш машинаси, жумладан, 550 дона TZST CE 220 ишлаб чиқариш режалаштирилган.2020 йили тажриба сифатида 50 дона чиқариб терим майдонларида синадик, ўзини яхши кўрсатди. Унумдорлиги юқори. Фермер уни олганидан сўнг, мавсум тугагач, алоҳида ажратиб бошқа мақсадларда ишлатиши мумкин. Пахта терим машинасига трактор кабинаси ва қолган қисмларини қадоқда етказиб берилади.
Тошкент қишлоқ хўжалиги техникаси заводи инвестиция ва маҳаллийлаштириш бошқармаси бошлиғи Мирзали Шералиев
Мирзали Шералиевнинг маълум қилишича, тижорат банклари томонидан ажратилаётган паст фоизли кредит маблағлари ҳисобига СЕ-220 русумли пахта териш машиналари 10 йил муддатга, МХ-1.8 русумли пахта териш машиналари эса 7 йил муддатга устувор равишда пахта-тўқимачилик кластерлари ва фермер хўжаликларига етказиб берилмоқда. Маҳаллийлаштириш даражаси 20 фоиздан ошдан тақдирда пахта-тўқимачилик кластерлари ва фермер хўжаликларига 15 фоизлик субсидия берилади, яъни тўланган маблағнинг 15 фоизи давлат томонидан қопланади. Шунингдек, уларни лизинг асосида харид қилиш имкони мавжуд. Пахта терим машиналарининг даражаси бугунги кунда 20 фоиздан оширилишига эришилган.
Изоҳ (0)