АҚШнинг улкан босими остида бўлган Huawei компанияси ўзининг смартфонлар бизнесини сақлаб қолиш йўлларини қидирмоқда. Ушбу можаролар фонида компания Huawei Smart Business Suitcase «ақлли» чамадонини тақдим этди, деб хабар беради IXBT.
Янги «ақлли» чамадон Samsоnite билан ҳамкорликда яратилган. У уч хил ўлчамда тақдим этилади: 20, 25 ва 28 дюмда, нархи ҳам шунга мос — 292, 337 ва 380 доллар.
Мазкур чамадоннинг ўзига хослиги унинг қулфини очиш осонлигида (ўз эгаси учун). Агарда Huawei Smart Business Suitcase компания смартфони билан синхронлашган бўлса, смартфон ўчган бўлса ҳам белгиланган жойга теккизилса қулф автоматик равишда очилади.
Шунингдек, Huawei Smart Business Suitcase бошқа чамадонларда йўқ бир қатор функцияларга эга, жумладан, аккумулятор ва ташқи USB-портни сақлашга мўлжалланган бўлмачалар.
Компаниядагиларнинг маълум қилишича, чамадоннинг ички қисми экологик тоза матодан ишланган. У енгил ва мустаҳкам, корпуси эса алюминий қотишмасидан ясалган.
Изоҳ (0)