Канада киноижодкорларининг «Самовий саргузаштлар» илмий-фантастик сериали коинот ҳақидаги энг яхши киноасарлардан бири саналади. 1996 йил 2 мартдан эфирга узатилган сериал режиссёрлар Петер Дэвид ва Билл Мумми томонидан суратга олинган. «Ёшлар» телеканалида эфирга узатилган ҳамда кўплаб ёш томошабинларга манзур бўлган сериал «Криста» номли самовий кемада узоқ саёҳатни бошидан кечираётган бир гуруҳ талабалар ва уларнинг саргузаштлари ҳақида ҳикоя қилади. Қуйида сериал қаҳрамонлари 24 йил мобайнида қай даражада ўзгаргани ҳақида сўз юритилади.
Ҳарлан Банд − Ер сайёрасидан келган талаба, андромедаликлар билан урушда ҳалок бўлган отасига ўхшашни орзу қилади.
Уолтер Жонс − 1970 йил 30 ноябрда Американинг Мичиган штатида туғилган. У бугунгача 60 дан ортиқ фильм ва сериаллар, телевизион шоуларда иштирок этиб келмоқда.
Раду − Андромеда галактикасидан келган талаба. У инкубаторда ўстирилгани учун оиласи йўқ, шунингдек, жуда кучли эшитиш қобилиятига эга.
Кристиан Эйр − 1977 йил 19 ноябрда Англияда туғилган бўлса-да, кейинчалик Канадага оиласи билан кўчиб боради. У 1990 йилларнинг бошида актёрлик фаолиятини бошлаган. Унга «Самовий саргузаштлар» фильмида ижро этган Раду образи машҳурлик олиб келган. Бундан ташқари, актёр фильмларда суратга тушиш ва овозлаштириш фаолиятини давом эттириб келмоқда.
Телма − кемадаги одамсимон робот. Буюрилган вазифани ҳаддан ташқари тушуниши кулгили вазиятларга олиб келади, шунингдек, тез-тез бузилиб туради.
Аник Матерн − актриса 1963 йил 30 апрелда Канадада туғилган. Матерн актриса бўлишдан ташқари «Dynamic Theater Factory» асосчиси.
Каталина − Сатурн йўлдоши Титандан келган талаба. Сочлари камалак рангга бўялган ушбу қизнинг овози жуда кучли бўлиб, қичқириғи билан душман техникасини ишдан чиқара олади.
Жуэл Стейт − 1982 йил 2 июнда Канадада таваллуд топган. Ёшлигидан фильмларда суратга тушиш ва моделлик билан шуғулланган. Актрисанинг бир нафар ўгли бор. У ОИТС’га қарши дастурни фаол қўллаб-қувватлайди.
Бова − пешонасида уранликлар учун хос бўлган электр заряд чиқарувчи шохи бор. Бованинг модда алмашинуви жараёни одамларникидан кўра тез ишлайди, шунинг учун ҳам доимо иштаҳаси карнай.
Рахи Азизи − 1982 йил 14 декабрда туғилган. Актёрга «Самовий саргузаштлар» ҳамда «Кичкина шаҳзода» фильми машҳурлик келтирган.
Рози Янни − меркурийлик талаба, ўта юқори ҳароратда иссиқлик чиқаради. Кемада табиб вазифасини бажаради. Ушбу ролни ижро этган Пейж Кристина 1982 йил 21 сентябрда Канадада туғилган ва «Самовий саргузаштлар» сериалидаги роли билан танилган. Актриса «Teddy» айиқчаларини йиғишни ёқтиради, ҳозирда унинг 100 дан ортиқ юмшоқ айиқчалари бор.
Командор Сет Годдард − собиқ ҳарбий зобит, болалар мураббийи. Актёр Паул Боретски 1960 йил Англияда канадалик актёр Питер Боретски ва британиялик актриса Женифер Фиппснинг оиласида дунёга келди. Болалигида канадага оиласи билан кўчиб келади. У актёрлик фаолиятини дастлаб театрда бошлаган ва кейинчалик фильм, сериалларда суратга тушган.
Сюзи − Каталинанинг яқин дўсти. Бўйни остидаги жабралари ҳар қандай атмосферада нафас олишга ёрдам беради. Шунингдек, телепатик қобилиятга ҳам эга.
Ребекка Ҳербтс − актриса 1977 йил 12 майда АҚШда туғилган. У 1986 йилдан актрисалик фаолиятини бошлаган. 2001 йил 1 июнда Актёр Майкл Соседо билан оила қурган ва уч нафар фарзанди бор.
Изоҳ (0)