Тошкент шаҳар транспорт бошқармаси ҳамда «Тошшаҳартрансхизмат» АЖ мутасаддиларидан иборат мониторинг гуруҳлари томонидан ўтказилаётган доимий ўрганишлар давомида йўловчилар оқими мунтазам кузатиб борилмоқда. Бу ҳақда компания ахборот хизмати хабар қилди.
Мазкур кузатишлар натижасидан келиб чиқиб, 7 сентябрдан аксарият автобус йўналишларининг ҳаракат таркибидаги транспорт воситалари тури ўзгартирилди.
Хусусан:
- эрта тонгдан 5А – «Феруза мавзеси–Гулобод кўчаси» йўналишда қатновчи Isuzu ўрнига Saz LE 60.
- 60 – «Тошкент вокзали–Юнусобод-17 мавзе» йўналишдаги Mercedes-Benz ўрнига Isuzu русумли автобуслар ҳаракатлана бошлади.
- 67 – «Юнусобод 19-мавзе–Халқаро аэропорт» йўналишида энди Saz LE 60 ўрнига Mercedes-Benz.
- 83 – «Юнусобод-6 мавзеси—Экскаватор заводи» йўналишида эса Saz LE 60 эмас, Mercedes-Benz русумли автобуслар йўловчиларга хизмат қила бошлади.
- 198 – «7-шаҳар шифохонаси—Жисмоний тарбия институти» (Чирчиқ) йўналишида эса Isuzu ўрнини Saz LE 60 русумли ўрта сиғимли автобуслари эгаллади.
Изоҳ (0)