Фото: «Тақдир ҳазили ёки қушдек енгил бўлинг» фильми актёрлари 44 йилдан сўнг

1976 йил 1 январда экран юзини кўрган, режиссёр Элдар Рязанов томонидан тақдим қилинган «Тақдир ҳазили ёки қушдек енгил бўлинг» фильми актёрлари қанчалик ўзгарганига фотолар орқали жавоб берамиз.

Андрей Мягков

«Тақдир ҳазили ёки қушдек енгил бўлинг» фильмида Женя Лукашини ролини ижро қилишига қадар ҳам актёр арсеналида 10 га яқин ижролар бўлган, лекин айнан мазкур фильмдаги роли уни машҳур бўлишига сабаб бўлган. Шундан кейин актёр режиссёр Рязанов билан ҳамкорликни давом эттирган. Мягков детектив жанрига оид бир неча китоб ёзган шунингдек рассомлик билан ҳам шуғулланган. Сўнгги вақтларда фильмларда суратга тушмайдиган актёр, авваллари суратга олинган яхши кинолар киносаноатнинг америка формати учун йўқ қилинган деб ҳисоблайди. Айни вақтда Андрей Мягков 82 ёшда.

Барбара Брильска

Фильмдаги Надя ролига бир қанча актрисалар кастингдан ўтганига қарамай, Барбара ижросидаги Польшада суратга олинган фильмни кўрган Рязанов уни бош қаҳрамони сифатида кўради. Мазкур роли учун актриса СССР фахрий давлат мукофоти билан тақдирланган. 2000 йиллардан бошлаб актриса рус киноларида суратга тушишни давом эттирган. Айни вақтда Барбара Брильска 79 ёшда.

Юрий Яковлев

Турли жанрдаги фильмларда рол ижро қила олиши мумкин бўлган актёр, карьераси давомида 100 дан ортиқ кино ва театрда рол ижро қилган. 1950 йилдан актёрлик билан бирга мультфильмларга ҳам овоз берган. 2007 йилда экран юзини кўрган «Тақдир ҳазили давоми» фильмидаги Ипполит роли актёр учун охирги бўлган. Юрий Яковлев 2013 йилда 85 ёшида вафот этган.

Александр Ширвиндт 

1956 йилда карьерасини бошлаган Александр Анатолевич 60 га яқин кинолентада суратга тушган. Кўп вақтини театрга сарфлаган ва 100 дан ортиқ рол ижро қилган. Режиссёр ва постановкачи сифатида 20 га яқин фильм суратга олган актёр кўплаб киномукофотларни қўлга киритган. Астрономлар, астероидни актёр шарафига ​атаган ҳатто. Айни вақтда Александр Ширвиндт 86 ёшда.