Австралиянинг Перт шаҳридаги ҳайвонот боғида Пьер исмли шимол кокилдор пингвини яшайди. Боғда пингвиннинг бошқа туридан мавжуд эмас, шу туфайли ҳам ҳайвон ёлғиз қолмаслиги учун унга қариндошлари ҳақида мультфильмлар намойиш этилади, деб ёзади CNN.
Пьер мамлакатнинг жануби-ғарбида қирғоққа чиқарилган ҳолда топилган. Ҳозир у ҳайвонот боғидаги реабилитация марказида яшайди. Пингвиннинг териси билан боғлиқ муаммоси бор, у сувда сузолмайди. Шунинг учун ҳам мутахассислар уни табиий яшаш жойига қўйиб юборишдан хавотир олмоқда.
Шунингдек, жажжи пингвинни зериктирмаслик учун унга оиласи ҳақида ҳикоя қилувчи анимацион сериал намойиш этилади. Ҳайвонот боғи ходимлари Пьернинг мультфильмларни яхши кўришига ишонади.
Бундан ташқари, унга пингвинлар ҳақида ҳужжатли фильмлар ҳам намойиш этилади ва Пьер уларни ҳам томоша қилишни ёқтиради.
Изоҳ (0)