Парижда полициячилар актёр Жерар Депардьенинг скутерини мусодара қилди. Бунга таниқли актёр скутерни маст ҳолда бошқаргани сабаб бўлган. Юлдузни комиссариатдан танишлари олиб кетган, деб ёзади Le Point.
Депардье светофорнинг қизил чироғида тўхтаб стоп-чизиқдан ўтиб кетиб, тартиб посбонлари эътиборини ўзига тортган.
Ҳуқуқ-тартибот ходимлари актёрда мастлик аломатларини пайқаб, унга тест топширишни таклиф қилган. Тест эса унинг қонида белгиланган нормадан юқори алкоголь борлигини кўрсатган. Депардье рулга ўтиришдан олдин бир неча бокал пиво ичганини тан олган.
Полициячилар юлдузга ҳаракатни давом эттириш учун рухсат бермаган ва скутерни мусодара қилган.
Эслатиб ўтамиз, 2019 йилда машҳур француз актёри Жерар Депардье Ўзбекистоннинг Франциядаги туризм элчиси этиб тайинланган эди.
Изоҳ (0)