2020 йил 31 август куни Қирғизистон пойтахтидаги Ала-Тов марказий майдонида президент Сўронбой Жээнбеков иштирокида Мустақиллик байрами муносабати билан тантанали байрам тадбири ўтказилади. Бу ҳақда Қирғизистон маданият, ахборотлаштириш ва турзим вазирлигига таяниб «Kg24» хабар қилган.
Қирғизистонда ҳам коронавирус сабаб юзага келган эпидемиологик вазият туфайли мазкур тадбир онлайн-форматда ўтказилади. Томошабинлар тантаналарда иштирок этмайди. Халқ сайиллари ҳам ўтказилмайди.
Тадбирлар маҳаллий телеканалларда тўғридан-тўғри намойиш қолинади ва трансляция соат 10:00 да (маҳаллий вақт билан) бошланади. Концерт дастури 1 соатга мўлжалланган. Соат 22:00 да Ала-Тов майдонида мустақиллик шодиёналари муносабати билан мушак отилади.
Аввал Тожикистоннинг барча шаҳарлари ва туманларида коронавирус инфекцияси сабабли Мустақиллик байрами муносабати билан ўтказиладиган анъанавий оммавий тадбирлар 2020 йилда ташкил қилинмаслиги ҳақида хабар берилганди.
Ўзбекистонда ҳам Мустақилликнинг 29 йиллик байрами катта йиғин ва сайилларсиз ўтади, байрам оила даврасида нишонланади. Байрам арафасида ўзбекистонликлар кетма-кет 3 кун дам олади.
Изоҳ (0)