«Челси» клуби мавсумлар орағидаги таътилдан сўнг клуб тасарруфига қайтган тўрт нафар футболчини карантинга юборди, дея хабар қилмоқда The Sun.
Ҳужумчи Тэмми Абраҳам, ярим ҳимоячилар Мэйсон Маунт ва Кристиан Пулишич, шунингдек ҳимоячи Фикайо Томори изоляцияда бўлиб турибди.
Бу футболчилар дам олиш кунларини Миконос оролида ўтказган. Сафардан қайтгач, уларнинг ҳеч бири клуб базасида келмаган. Клуб ҳар қандай ҳолатда ҳам жамоа ичида вирус тарқалиши хавфини олдини олмоқчи.
«Челси» юқоридаги футболчиларда инфекция аниқланган ёки аниқланмагани ҳақида маълумот бермаган. Бироқ шуниси аниқки, клубда бир нечта коронавирусга чалиниш ҳолати қайд этилган.
«Челси» 2020/21 йилги мавсумни 14 сентябрь куни Премьер Лига доирасидаги «Брайтон»га қарши ўйин билан бошлайди.
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @Daryo_Sport24’га обуна бўлинг!
Изоҳ (0)