Ўзбекистонда илк бор Хоразм вилоятида кўчма тартибда олиб юришга мўлжалланган инновацион светофор жорий қилинди. Ушбу светофор қуёш батареяси ёрдамида ишлайди, деб хабар беради ИИВ ахборот хизмати.
Мазкур кўчма светофор оддий светофорлар ишламай қолган пайтда айнан ўша чорраҳага олиб борилади ва чорраҳадаги пиёда ҳамда транспорт воситаларининг ҳаракатланиши тартибга солинади.
«Ушбу инновацион светофорни жорий қилишимиздан мақсад — авария ҳолатларида тезкорлик билан ҳаракатни тартибга солиш, ҳаракат иштирокчиларига қулайлик яратиш ва йўл-транспорт ҳодисаларининг олдини олиш. Эндиликда вилоятимизнинг барча шаҳар-туманларида мазкур светофордан кенг фойдаланишни мақсад қилганмиз», — дейди Урганч шаҳар ИИО ФМБ ЙҲХБ бошлиғи Дониёр Саъдуллаев.
Шунингдек, инновацион светофорнинг яна бир қулай жиҳати — ўқув йили бошланганидан кейин уни марказий йўл бўйларида жойлашган мактаблар қаршига ўрнатиб, ўқувчиларнинг йўлдан ўтиш хавфсизлигини таъминлаш мумкин.
Эслатиб ўтамиз, 2019 йилда шаҳар йўлларида тирбандлик билан курашиш учун синов тариқасида янги йўл чизмаси жорий этилганди. Ташқи кўриниши сабабли халқ тилида «вафли чизмаси»даги чизиқлар ёрдамида ҳаракат йўналишида тирбандлик юзага чиққан ҳолатда чиқиш мумкин бўлмаган ҳудуд белгилаб олинади ва ҳайдовчи тўхташга мажбур бўлади.
Изоҳ (0)