Каталониянинг «Барселона» клуби ярим ҳимоя чизиғини кучайтиришни мақсад қилган.
Жамоанинг янги бош мураббийи Рональд Куман «Аякс» ярим ҳимоячиси Донни ван де Бекни «Барселона»да кўришни истамоқда. Diario Sport’нинг қайд этишича, футболчининг товон пули трансфернинг амалга ошишига тўсқинлик қилиши мумкин.
Нидерланд клуби 23 ёшли футболчи учун камида 55 миллион евро талаб қилмоқда.
Таъкидланишича, агар ван де Бекнинг трансфери амалга ошмаса, «Барселона»да қатор бошқа вариантлар мавжуд.
Маълумот учун, ван де Бек Нидерландия чемпионатининг 2019/20 йилги мавсумида 23 та ўйин ўтказиб, 8 та гол ва 6 та голли узатмага муаллифлик қилди.
Эслатиб ўтамиз, аввалроқ футболчининг хизматларига Мадриднинг «Реал»идан ҳам қизиқиш борлиги айтилганди.
Тавсия:
Изоҳ (0)