Нью-Йоркдаги гажарларнинг биридан 1969 йилда ишлаб чиқарилган ва ҳозирга қадар ажойиб ҳолатда сақланган Dodge Dart Swinger топилди. Топилманинг яна бир ўзига хос жиҳати — ноёб купе 1981 йилдан буён ҳаракатсиз турибди, деб хабар беради Motor.
Мазкур Dodge Dart Swinger ажойиб ҳолатда сақланган. Ярим асрдан ортиқроқ тарихга эга эканлигига қарамай, автомобиль кузовига занг тушмаган. Қизил қоплама ва винил том заводдан чиққан ҳолатдагидек сақланган. Бундан ташқари, кабриолетнинг кўплаб деталлари оргинал ва ишлашга яроқли. Унинг фақатгина тормоз тизими, аккумулятори ва бензобаки алмаштирилган.
Маслкар интерьери ҳам ёмон аҳволда эмас. Салон қора рангли чарм ўриндиқлар ва радиомагнитола билан жиҳозланган. Сотувчининг сўзларига кўра, автомобилни бу каби ҳолатда сақланиб қолинишига 12 йилгина минилгани сабаб. 1981 йилдан буён Dodge иссиқ гаражда ҳаракатсиз турган. Шу сабабли маслкар ҳозирга қадар 150 минг километргина йўл босган.
Аввалига моделдан дрег-рейсинг пойгаларида фойдаланиш режалаштирилган. Бироқ номаълум сабабларга кўра, купе унда иштирок этмаган. Модель капоти остида 175 от кучига эга 5,6 литрли V8 двигатели ўрин олган бўлиб, у уч поғонали автомат узатмалар қутиси ёрдамида бошқарилади. Машина соатига 100 километр тезликка олти сонияда эришади.
Айни вақтда 51 ёшли модель 29,5 минг долларга баҳоланмоқда.
Изоҳ (0)