«Ҳар куни бугун душманингизни учратадигандек кийининг». Мода қироличаси Коко Шанелдан 10 та иқтибос

19 август мода саноатини тубдан ўзгартириб, унда ёрқин ва беқиёс из қолдирган аёл – Коко Шанелнинг туғилган куни. Унинг мода ва муҳаббат ҳақида айтганлари ҳанузгача долзарблигини йўқотмаган.

1. Тенгсиз бўлиш учун доимо ўзгариб туриш керак.
2. Ҳамма эркаклар ёш бола эканлигини тушунсангиз — ҳамма нарсани тушунган бўласиз.
3. Оригиналликдан эҳтиёт бўлинг – аёллар модасида оригиналлик маскарадга олиб келиши мумкин.
4. Моданинг икки мақсади бор: қулайлик ва муҳаббат. У мақсадларига эришгандан сўнг гўзаллик пайдо бўлади.
5. Ҳар доим бугун душманга дуч келиб қоладигандек кийининг.
6. Вақтни деворга шунчаки уриш билан беҳудага сарфламанг. Ундан кўра деворда эшик ҳосил қилинг.
7. Аёллар, таомилга кўра, турмуш ўртоқдан кўра тунги кўйлакни синчиклаб танлайди.
8. Ҳақиқий бахт қиммат эмас. Агар бунинг учун юқори нарх тўлаш керак бўлса, у қалбаки.
9. Агар кийим кўчада кийилмаса, у мода эмас.
10. Чиройли туфли кийган аёл ҳеч қачон хунук бўлмайди.