Британиянинг CCА кимошди уйи 1985 йилда ишлаб чиқарилганидан буён 286 минг километр йўл босган, бироқ сўнгги 26 йил ичида ҳаракатсиз турган Audi Quattro Turbo янгтаймерини сотувга қўйди. Машина суратлари ўтган давр ичида у билан нималар содир бўлганини яққол кўрсатмоқда: спорткарни идеал ҳолатда деб бўлмайди. Шу сабабли машинани 8-10 минг фунт стерлингга сотиш режалаштирилмоқда, деб хабар беради Motor.
Quattro Turbo модели 1980 йилдан 1991 йилга қадар 11 мингга яқин нусхада ишлаб чиқарилган. Европа бозори учун мўлжалланган машина 200 от кучи ва 287 Нм айланувчи моментга эга 2,1 литрли двигатель билан жиҳозланган бўлиб, у беш поғонали механик узатмалар қутиси ёрдамида бошқарилади. 1987 йилдан бошлаб спорткарга 2,2 мотори, 1989 йилдан эса худди шу турдаги агрегат, бироқ юқори тақсимлагич ва 220 от кучли версияси ўрнатилган.
Сотувга қўйилган Quattro 1985 йилда ишлаб чиқарилган, шу сабабли унинг капоти остидан 2,1 литрли «турбобешлик» ўрин олган. Паспорти бўйича автомобиль 100 км/соат тезликка 7,1 сонияда эришган, максимал тезлиги эса 220 км/соат.
Бироқ сотувчи ҳозирда на двигатель ва на двигателнинг ишлашига кафолат бера олади — автомобилни ҳатто ўт олдиришга уриниб кўришмаган. Шу сабабли у арзон нархга баҳоланмоқда, бундан ташқари, унинг кузови, салонини янгилаш, барча электр қисмларини қайта текшириш керак бўлади.
Изоҳ (0)