19 август куни Қашқадарё вилоятида Nexia ва юк машинаси ўртасида содир бўлган йўл-транспорт ҳодисаси оқибатида уч киши ҳалок бўлди. Бу ҳақда ИИВ ЙҲХББ ахборот хизмати хабар берди.
Маълумотларга кўра, 4Р-84 Яккабоғ—Чироқчи—Шўрбозор автомобиль йўлининг 38-километрида ҳайдовчи 1987 йилда туғилган Б.Э. Nexia русумли автомобилни бошқараётиб, қувиб ўтиш қоидаларини бузиши оқибатида қаршисидан ҳаракатланиб келаётган ҳайдовчи Howo русумли юк автомашинаси билан тўқнашув содир этган.
ЙТҲ оқибатида Nexia ҳайдовчиси 33 ёшли Б.Э. ҳамда ундаги йўловчилар — 67 ёшли Б.Х. ва 1 яшар А.Н. оғир тан жароҳатлари билан воқеа жойида вафот этган. Машинанинг яна бир йўловчиси — 26 ёшли О.Т. тан жароҳати олиб шифохонага ётқизилган.
Ҳолат юзасидан Чироқчи тумани ИИО ФМБ ҳузуридаги ТБ томонидан Жиноят кодексининг 266-моддаси 3-қисми «а» банди (одамлар ўлимига олиб келган транспорт воситалари ҳаракати ёки улардан фойдаланиш хавфсизлиги қоидаларини бузиш) билан жиноят иши қўзғатилган, ҳозирда тергов ҳаракатлари олиб борилмоқда.
Аввалроқ Сурхондарёдаги ЙТҲда 6 киши ҳалок бўлгани, қурбонларнинг энг кичиги 2 ойлик чақалоқлиги, шунингдек, Самарқандда Cobalt ва юк машинаси тўқнашуви оқибатида 4 киши ҳалок бўлгани тўғрисида хабар берилганди.
Изоҳ (0)