Германиянинг H&M, H&M Lab компаниялари Boltware стартапи билан ҳамкорликда яқинларидан узоқда бўлишга мажбур бўлаётганлар учун жинси курткалар тақдим қилди. Buro 24/7’нинг ёзишича, мазкур лойиҳа Wearable Love — кийиладиган севги деб аталган.
Таъкидланишича, тақдим қилинган мазкур моделнинг елка қисмига Bluetooth дастури орқали фаоллаштириш мумкин бўлган махсус датчиклар ўрнатилган. Курткани кийган инсон датчикка тегса, сенсор ишга тушиб, қучоқлангандек ҳисни туйиши мумкин бўлади.
Дастурга яқинлар исми рўйхатини киритиш ва айнан ким қучоқлаётганини билиш учун индивидуал шаблон ташкил қилиш мумкин.
Ҳар бир куртканинг алоҳида коди мавжуд бўлиб, уни яқин инсонлар билан бўлишиш мумкин. Шундан кейин у инсон махсус дастур ва Bluetooth ёрдамида сенсорни фаоллаштира олади.
Курткага ўрнатилган датчиклар симсиз зарядкада қувватланадиган аккумляторда ишлайди. Батарея, тахминан, икки ҳафтага етади, дейилади хабарда. Куртканинг сотувга чиқиш санаси ҳали маълум эмас.
Изоҳ (0)