16 август куни Россиянинг E95 ва М1 трассалари орқали Беларусь чегараси томон «Росгвардия» машиналарига ўхшаш, бироқ рақам ва ажратувчи белгиларисиз ўнлаб «Урал» ҳамда «КамАЗ» автомобиллари ҳаракатланаётгани қайд этилди. Бу ҳақда Facebook’даги Conflict Intelligence Team саҳифасида хабар берилди.
«Фонтанка» обуначиларининг маълум қилишича, Петербург ва Псков ўртасидаги йўл бўйлаб 30-40 га яқин юк автомобиллари ҳамда ҳарбий йўлтанламаслар ҳаракатланган. Маълумотларга кўра, машиналар ичида «камида 600 нафар жангчи» бўлиши мумкин. Ғарбий ҳарбий округ қўшинлари қўмондонлиги ушбу ҳарбий техникалар округга тегишли эмаслигини билдирган.
https://twitter.com/fontanka_news/status/1295040226893746177
Meduza нашри обуначилари ҳам Москва—Минск йўлида рақамларсиз машиналарга дуч келган.
Автомобиллар тасвирланган мазкур видео билан журналист Василий Максимов ҳам бўлишган. Маълумотларга кўра, ушбу видео Беларусь чегарасидан 83 километр берида суратга олинган.
https://twitter.com/maximov_vasily/status/1295058303433809920
«Медиазона» ҳам бир неча ҳарбий техникалар ҳаракатланаётган видеоёзувлар билан бўлишган. Роликлардан бирида Москва, иккинчисида эса — М-1 трассасидаги ҳолат тасвирланган.
Аввалроқ Беларусь президентлигига ўтказилган сайловларида Александр Лукашенкога рақиблик қилган Светлана Тихановская мамлакат фуқароларига янги видеомурожаат йўллаб, ўзининг миллий етакчи бўлишга тайёрлигини билдирган эди.
Мавзуга доир:
Александр Лукашенкодан ташқари, президентликка номзодларнинг барчаси сайлов натижаларидан норозилигини билдириб, мамлакат Марказий сайлов комиссиясига шикоят киритган.
Изоҳ (0)