АҚШ Мудофаа вазирлиги номаълум учар жисмлар (НУЖ) пайдо бўлиш ҳолатларини кузатувчи ишчи гуруҳни тузди. Бу ҳақда Пентагон сайтида хабар берилди.
«Мудофаа вазирлиги табиат ҳамда номаълум учар объектлар ҳақида тушунчаларни бойитиш йўлида НУЖ бўйича ишчи гуруҳ тузди. Ишчи гуруҳ миссияси НУЖларни аниқлаш, таҳлил қилиш ва АҚШ миллий хавфсизлигига таҳдид туғдириши мумкин бўлганлар рўйхатини шакллантиришдан иборат», — дейилади идора хабарида.
Апрель ойининг охирида Пентагон ўз расмий сайтида номаълум учар жисмлар парвози акс этган видеоларни эълон қилди. АҚШ Мудофаа вазирлигининг маълум қилишича, учта видеороликнинг биттаси 2004 йилда тасвирга туширилган, қолган иккита видео эса 2015 йил январида олинган. Кейинроқ россиялик учувчи Пентагон эълон қилган мазкур видеоларни таҳлил қилганди.
Июнь ойида АҚШ президенти Дональд Трамп НУЖга боғлиқ ҳолатлардан бирига доир махфий ҳужжатларни ошкор қилиш тўғрисида ўйлаб кўришини маълум қилганди. У 1947 йилда содир бўлган — ўшанда Ню-Мексикодаги ранчолардан бирининг эгаси номаълум аппарат қолдиқларини топиб олган. АҚШ Ҳарбий-ҳаво кучлари бу махфий лойиҳа доирасида фойдаланилган метеозонд бўлганини таъкидлаган, бироқ ушбу ҳолатдан сўнг НУЖларга боғлиқ фаразлар юзага келган.
Изоҳ (0)