Тошкент шаҳар Олмазор туманида жойлашган озиқ-овқат дўконидан тунда бир миллион сўм пул ва уч миллион сўмлик маҳсулот ўғирлаган наманганлик 42 ёшли эркакка нисбатан жиноят иши очилди. Бу ҳақда Тошкент шаҳар ИИББ хабар берди.
Маълум қилинишича, 9 август соат 22:50 дан 10 август соат 07:50 гача бўлган вақт ичида номаълум шахс 36 ёшли Азизжон К.га тегишли бўлган озиқ-овқат дўконининг эшигини очиб, у ердан уч миллион сўмлик маҳсулот ва кассадан бир миллион сўм ўғирлаб кетган.
Кўрилган чоралар натижасида ўғриликда гумонланувчи шахс Наманган вилоятидан бўлган 42 ёшли Ғуломжон К. қўлга олинди. Унга нисбатан Ўзбекистон Республикаси Жиноят кодексининг 169-моддаси 2-қисми (ўғрилик) бўйича жиноий иш қўзғатилди.
Изоҳ (0)